Page 44 - MIN JUS

Diabierna oficialmente a lansa e campaña di Siman di Locura. For di esun di
mas chikito, te esun di mas grandi. Tin scolnan cu ta participa, tin
companianan, gruponan di scout. E aña aki tin algun sorpresa y ya tin hopi

hende cu ta pendiente di esey. E ta cuminsa dia 23 di October te cu 27 di
October. E ta full un siman di locura. E dialuna ta cuminsa door di bisti na cora y

asina mustra cu bo ta contra di e uzo y maluzo di droga y alcohol. Diamars ta e
dia di bisti na locura, muchanan di scol ta bisti e meanan di color, meanan di

locura. FADA ta pidi pa ta mas creativo ariba e diamars akinan. Diaranson ta un
dia hopi gusta cerca nos muchanan. Diaranson e muchanan por bisti na

Superhero. Of por bisti na un profesion cu bo kiier bira ora cu bo crece. No ta
pensa solamente riba e muchanan, pero tambe e grandinan, e adultonan. Join e
muchanan y haci algo leuk hunto e dia aki.

Diahuebs ta style di Kriss Kross, dus ta bay un dia di bisti bo paña parobes. Pa
esunnan cu no ta conoce Kriss Kross, por busk’e ariba internet y wak con nan

tabata bisti den añanan 90. Diabierna ta e dia di sopresa. E lema di dia ta “Your
future is the key, stay drugsfree”. E aña aki FADA a traha un jingle, cu

cooperacion di Youth X-treme. Idea ta pa uza e jingle pa traha un video uzando
e jingle cu nan ta bay pone riba e Facebook di FADA.

Sea creativo, pensa algo, bin cu’n mensahe y uza e jingle di FADA.

E aña aki tambe FADA a saca un t-shirt cu ta na benta pa solamente 15 florin. E

placa recauda ta bay pa e instancia por sigui haci actividadnan. Tambe FADA tin
nan mugnan como tambe e cintanan cora si scol y companianan cu ta interesa.

Esun cu ta participa saca bo pic cu bo grupo y post e ariba e Facebook page di
FADA. Despues di e siman ey, lo bay sinta hunto pa saca esun mas creativo,

esun cu a participa tur dia, etc.

E aña aki ta e prome lustro di e Siman di Locura. E ta creciendo mas y mas. Y
ta p’esey nan a bin cu e jingle tambe. Tin hopi scol cu ta participa. Esey ta algo
cu FADA ta pidi. Pa e muchanan wordo splica e parti ey, e pakico cu nan ta

bistiendo na Superhero. Por ultimo , Sra. Rulienne Arends a bisa cu e evento aki
tur aña ta creciendo mas y mas y e aña aki e ta priminti di bira mas grandi

ainda.