Page 10 - AWM 20JUNE2018

10 AWEMainta Diaranson, 20 Juni 2018

Vince a gana prome premio na Turkia

DIADOMINGO ultimo e Arubiano Vince Irie
a gana e premio maximo na Turkia durante un
evento grandi y importante di droneracing. E
organisadornan di e evento Tech Drone League
a invita Vince pa bin participa na e race aki
unda a participa riba 50 piloto cu cada un di nan
nan habilidadnan riba tereno di droneracing.
E evento a dura dos dia. Un dia pa califica y
e siguiente dia pa e race mes unda esnan cu a
califica por a participa. Un publico extenso a bin
presencia e actividad aki cu a tuma lugar den un
mall grandi den Instanbul.
Pa siguridad di tur hende e organisadornan a
pone net tur caminda tanto paden, riba como
pafo di e mall. Despues di un dia di cansancio -
dos dia prome Vince tabata pa un otro exposicion
grandi di drone na Alemania - Vince a logra
califica y su siguiente dia el a duna tur cu tin
logrando asina conkista e lugar mas halto riba
e podium di ganadornan. E prome premio dus
lagando e otronan su tras. Alegria tabata grandi
cerca Vince mes como su mayornan y demas
famia y amigonan cu ta biba na Aruba. Tambe
cerca su teammates na Hulanda di SQG a reina
un sentido grandi di orguyo. Vince, kende a
studia musica y tin su propio banda Offshore, a
subi stage y a toca y canta un rato cu un banda
popular di Turkia. Su carisma y su amabilidad ta
caracterisa Vince den tur sentido. Na Hulanda e
revista droneracers.nl mesora a haci mencion di
e hazaña di Vince Irie den un articulo cu e titulo
“Vince Irie steelt de show in Turkije tijdens
TDL”.