Page 9 - AWM 20JUNE2018

Diaranson, 20 Juni 2018 AWEMainta 9

Dos hoben haya practicamente for di tino riba beach

DIAMARS mey anochi polis a bay panort di Costa
Linda, ariba e beach na Eagle.
Na oriya di lama nan a topa cu dos dama, ambos tawata
boca abou.
Agentenan a pidi pa ambulance cu urgencia, mirando
cu ta trata di dos persona dos ambulance a sali direccion
Eagle Beach. Segun informacion cu nos a logra haya, e dos
damanan aki tawata na e bar panort di Costa Linda un rato
prome.
Den algun minuut dos ambulance ta yega, y mes ora
paramediconan a baha y cuminsa core bay unda e dos
personanan ta.
Hunto cu e agentenan, nan a bira ambos dama y a logra
ponenan sinta despues. Por a mira cu paramediconan
tawata controlanan. E dos damanan aki aparentemente lo
a usa varios cos, entre otro alcohol y pilder cu e intencion
segun por a compronde di pone fin na nan bida.
Paramediconan a lanta un y wanta na su mannan door di
dos paramedico nan a cana bay direccion e ambulancenan.
Un rato despues mes un manera otro dos paramedico a cana
bin cu e otro. E ultimo por a mira cu e tawata hari, kisas e
no tawata sa kico ta pasando.
Ambos a wordo hiba pa Eerste Hulp, caminda nan famia a
wordo avisa y tambe slachtofferhulp.
Un auto cu nan a yega na e beach cun’e lo mester a wordo
hiba warda di polis.