Page 38 - KPA JULY 22

Aruba Marriott reconoci pa su excelencia

den maneho di evento

on: Wednesday, July 22, 2015In: LocalNo Comments
Print Email

Aruba Marriott Resort & Stellaris Casino continuamente ta enfoca riba excelencia y 2014 sigur
no a laga di desea. E hotel a wordo reconoci recientemente cu tres premio prestigioso pa su
liderasgo den maneho di evento y banquete; “Regional Event Management Excellence Award”,
“Chairman Circle Award” y “Global Event Leadership Diamond Award Winner”.

E team di Evento & Banquete di Aruba Marriott a ricibi e “Regional Event Management
Excellence Award” como e departmento cu a sobresali den e region. Esaki tabata a base di
aumento di entrada door di bende efectivamente, resultado halto pa cu e “Associate Engagement
Survey”, servicio duna na cliente di nivel halto, activamente duna bek na comunidad y ehecucion
di eventonan creativo y innovativo.

Ilaina Franco – Franka, Directora di Evento & Banquete, a wordo presenta cu e “Chairman
Circle Award” pa forma parti di e top 1% di lidernan di evento y banquete cu a sobre sali den e
continente Mericano, compitiendo a base e resultadonan di aumento di entrada y calidad di
servicio compara cu e obhectivo principal. Ademas Sra. Franco – Franka a wordo reconoci cu e
prestigioso “Global Event Leadership Diamond Award” pa su dedicashon na excelencia, su
iniciativa pa consecuentemente baha shelo y tera pa su clientenan y pa e hotel, e tremendo
resultadonan di e aña y pa eleva e nivel di e hotel pa exito den futuro.

Como e Directora di Evento & Banquete, Ilaina ta activamente y continuamente desaroyando y
formulando strategianan pa sigura cu e departamento ta forma parti integral di tur area di e hotel
incluyendo e entrada como tambe otro puntuacionnan den cuadro di servicio. Como un leader e
ta encurasha su team pa ta involvi y up-to-date cu e ultimo trendnan den e industria di evento y
continuamente ta buscando concepto nobo y creativo pa implementa. Sra. Franco – Franka ta un
persona clave den crea y mantene relacionnan cu clientenan, cual ultimamente a resulta den
relacionnan duradero y clientenan cu ta bolbe bek. Tambe como lider, Ilaina ta kere den e