Page 42 - KPA JULY 22

Cuerpo Policial di Hulanda impresiona cu
Polis di Aruba

on: Wednesday, July 22, 2015In: LocalNo Comments
Print Email

E siman aki, Cuerpo Policial di Aruba tabata anfitrion di Alto Comisario mr. Gerard Bouman,
kende ta e hefe maximo di “Nationale Politie” di Hulanda. Bouman ta e prome persona cu a
wordo nombra y huramenta pa Minister Opstelten di Siguridad y Husticia den e funcion di
“Eerste Hoofdcommissaris” di Hulanda, despues cu a unifica tur cuerpo policial regional di
Hulanda den un organisacion cu ta conecta e “eenheden”, o sea e unidadnan, den un Cuerpo
Policial Nacional.

Gerard Bouman ta wordo compaña durante di su programa di bishita pa Martine Vis, kende ta
Plaatsvervangend Politiechef pa Eenheid Rotterdam, kende ta bin Aruba cu mas frecuencia pa
traha riba trainingnan pa Cuerpo Policial di Aruba y pa cu diferente area di colaboracion entre
Aruba y Hulanda, pero tambe entre Aruba y e otro islanan di Caribe Hulandes.

Gerard Bouman a expresa durante di e proceso di cera conoci cu e diferente unidadnan di Cuerpo
Policial di Aruba, cu el a keda hopi impresiona pa e profesionalismo di e “Arrestatieteam” di
Aruba. E team a dun’e un demostracion di nan trabao y el a haya cu nan ta traha ne un nivel
comparabel cu e standard Hulandes. El a menciona cu e ta na altura tambe cu recientemente na
Aruba a tuma luga un training cu colaboracion di coleganan di Hulanda.

E Alto Comisario di Polis di Hulanda a comenta cu loke e kier mira den e proximo periodo ta
mas inversion den Sint Maarten. Mester analisa con por coordina asistencia for di e otro paisnan
den Reino, cuminsando cu Aruba pa inverti mas energia na e isla pa combati criminalidad, entre
otro pa medio haci Recherchesamenwerkingsteam (RST) mas fuerte hunto cu Cuerpo Policial di
Aruba, el a bisa. El a agrega cu e ta spera cu esaki ta wordo logra prome cu fin di e aña aki.