Page 31 - MIN ON JUNE 24, 2015

Aruba Kidspreneurs Stichting & Kids Inc. ta lanza campaña
pa stimula mayornan papia cu nan yiunan tocante placa

Publication: Wednesday, 24 June 2015. Categoria: General

ORANJESTAD(AAN): Aruba Kidpreneurs Stichting & Kids Inc. Aruba tin un campaña cu
yama ‘Community Financial Education Campaign’.
Segun Nancy Maya di Aruba Kidspreneurs Stichting, Kids Inc ta trahando hopi riba educacion
financiero y ‘entrepreneurship’ y a cuminza cu varios estudio.
E ‘Camp Millionaire’ tabata un proyecto cu RBC tambe a sponsor, unda cu Kids Inc kier a studia
e nivel di ki programanan lo bay trece pa e muchanan na e schoolnan di Aruba.
“A raiz di e programanan aki cu tabata hopi exitoso, nos a cuminza bin aworaki cu e Community
Financial Education Campaign’”.
“Nos campaña ta pa trece concientizacion, sostenibilidad y educacion na tanto nos muchanan y e
mayornan”.
Esaki segun Maya, kende a sigui bisa cu nan ta cuminza cu e prome ‘Public Service Awareness’
cu yama ‘Have you had the Talk’.
E proyecto aki ta dirigi na mayornan, pues pa mayornan tuma e curashi di papia cu nan yiunan
over di placa na nan cas.
“Hopi biaha mayornan ta keha y bisa cu nan yiu ta kere cu nan ta un bancomatico, pero mi a
puntra nan si nan a yega di papia cu nan yiunan riba cuanto e entrada ta, kico e gastonan na cas ta
etc.”.
Esaki segun Maya, kende a sigui bisa cu hopi biaha e mayornan ta bisa cu nan no sa papia cu nan
yiunan tocante e asuntonan ey y esey ta pone cu e muchanan no sa.