Page 33 - MIN ON JUNE 24, 2015
P. 33
Pueblo kier sa ki dia lo introduci e multilingual den
Enseñanza Basico
Publication: Wednesday, 24 June 2015. Categoria: General
ORANJESTAD (AAN) – Aña pasa a wordo publica den prensa, cu Departamento di Enseñanza,
tabata bezig cu hopi proyecto pa enseñanza, cu lo mester a wordo cubri pa FDA, entre otro e
modelo multilingual den enseñanza basico.
Asina Directie Onderwijs tabata desaroyando diferente proyecto di modelo di idioma y mas
producto cu nan tabata preparando, y cu nan ta sostene e proyectonan di school multilingual, den
cual nan ta introduci Papiamento den Enseñanza Basico hunto cu Hulandes, Ingles y Spaño.
No obstante, no a tende nada mas di e proyecto aki.
Tambe a referi na Educacion pa Adulto, unda tabata tin diferente actividad cu nan a promove y
cu na e momento ey tabata andando pa desaroya e condicionnan basico pa set up e enseñanza pa
adulto.
Tambe riba e aspecto aki pueblo kier haya mas informacion.
Ta conoci cu Departamento di Enseñanza no ta gusta bay den publicidad, sinembargo nos
ciudadanonan kier sa kico mas tin den nos riba nos tereno di enseñanza.
Nos ta na haltura cu tin diferente proyecto cu a keda ma entrega FDA pa nan set up un structura
pa por keda informa e pueblo riba e desaroyonan riba enseñanza.
Mas cu diez aña pasa a inverti hopi den proyectonan den enseñanza, pero no a inverti den e base
pa por trece continuidad den proyectonan, segun e informacion cu a wordo duna aña pasa.
“Un proyecto ta cuminza y hopi hende ta hinca alma y curazon aden, y di eynan, nan ta caba cu e
trabao y tur e experticie, tur e trabao cu a wordo desplega ta keda te eynan, y un otro grupo
mester bin atrobe wordo lanta y ta cuminza cu un proyecto nobo” tabata palabranan di e director
di Directie Onderwijs.
E tempo ey nan kier a traha riba lineanan cu ta percura pa proyectonan no keda den proyectonan
pero bira parti di e sistema di enseñanza, unda cu e conocimento y resultadonan tabata wordo
monitorea, cu por wak e rendimento di dje, y riba esey nan a traha hopi tambe.
Ta bon si e tema aki por bin bek den publicidad sea door di e minister mes of di Departamento di
Enseñanza.
http://www.diario.aw/2015/06/pueblo-kier-sa-ki-dia-lo-introduci-e-multilingual-den-ensenanza-basico/
