Page 22 - FUNDASHON LOTTO PA DEPORTE

ORANJESTAD (AAN)—Den fin di siman, manera cu ya caba DIARIO a bin ta anuncia, a
tuma lugar e caredanan dushi di dragracing, cu participacion di coredornan di tanto

Puerto Rico, Merca y sin por laga afo nos dushi Aruba.

Nos coredornan local a demostra cu na ningun momento, ta bay entrega spada facil y a
sa di bataya y duna e publico grandi un tremendo espectaculo. Careda tras di careda, e
publico tabata biba cada momento y tabata sa di aplaudi y apoya nos coredornan local,

cu a bay guerra contra esnan cu bin di exterior pa cu e gran celebracion aki di 35
aniversario di International Raceway Park Palo Marga.

Pa loke ta trata evento ariba su mes, e no tabata uno facil, ya cu e grupo di Revival of
Palo Marga, a confronta nan mes cu retonan pisa, cu a pone un union entre coredornan
y organizador, den un punto, caminda di tur parti rond, tabata solicita ayudo, ya cu a
keda constata cu e sistema di timing, tabata tin un desperfecto na ordo y cu a pone cu
te hasta mester a stop e anochi di test, debi na e gran problema aki.

Pero e lucha pa keda cla a sigui y trahando 24 ora pa dia, e grupo porfin cu ayudo di
diferente experto a logra di soluciona e problema, pa asina e caredanan por a cuminsa

y asina celebra e di 35 aniversario di Palo Marga.

Na pista DIARIO cu tabata tey presente un biaha mas y manera cu ya e ta bin ta haci
pa 35 aña caba, a pasa di garashi pa garashi, di team pa team, pa asina mira y
combersa di nan alegria cu nan tabata tin pa cu e careda nan por continua.

Palabra di pabien Aruba, pa cu e tremendo celebracion aki di 35 aniversario di nos pista
International Raceway Park Palo Marga.