Page 26 - FUNDASHON LOTTO PA DEPORTE

Durante e asamblea, Kòrsou a bira miembro ofisial di CADE i alabes di e órgano di

Consejo Centro Americano y del Caribe de Deportes (CONCECADE).

Banda di esaki Kòrsou tabata opservador na Consejo Suramericano de Deporte

(CONSUDE) i na Consejo Iberoamericano del Deporte (CID).

E intenshon di e enkuentro aki tabata pa yega na avanse i palabrashonnan riba plannan ku

e paisnan ta bai ehersé konhuntamente riba tereno di deporte.

Punto di salida di esaki ta e Plan di Akshon di Kazan, ku ta derivá for di UNESCO

Convention. Alabes a trata e maneho anti-dopahe di UNESCO, kaminda kada un di e

paisnan a duna di konosé di kua forma nan ta bai atendé ku e maneho aki pa asina

mundialmente por praktiká deporte di un forma limpi i sano.

E asamblea aki a konkluí den un kantidat di punto di akshon.

A palabrá entre otro ku gobièrnu di kada pais ta bai hasi nan máksimo esfuerso pa invertí

den deporte, aktividatnan físiko i rekreashon. Tambe pa duna mas sosten na deportistanan

ku ke ekselá.

Banda di esaki tambe ta bai konektá deporte ku edukashon. Alabes e paisnan afiliá ku

CADE ta bai traha den estrecho koperashon ku otro, pa asina resforsá e aliansia entre

miembronan.

Un di e promé pasonan visibel den esaki ta ku e paisnan konhuntamente a tuma desishon

ku ta bai atministrá i alimentá e wèpsait di CADE kual ta http://cadeportes.org/en/

Despues di votashon e wèpsait a bira mesora aktivá.