Page 5 - WEB FLIP 5th JUNE 2017

Mandatarionan bishitando un otro inversion grandi den
cuadro di e reapertura di e refineria

Sunday, 04 June 2017 18:56
Comparti

Diabierna atardi Minister Ing. Mike de Meza acompaña pa su colega di Finansas, mr. Angel Bermudez, a haci un
bishita di orientacion na e edificio cu pronto lo keda inaugura como e oficina principal di Refineria di Aruba NV
(RdA).
Ta trata aki di e edificio di glas color blauw unda antes tabata situa e departamento di DOOV na San Nicolas.
E edificio riba su mes ta un di e icononan di San Nicolas y awor den su bachi nobo e lo briya un biaha mas como e
oficina principal di RdA como tambe di Fuels Marketing & Supply Aruba NV (FMSA).
Esunnan cu ta frecuenta e area por a nota bastante movecion specialmente den oranan di anochi unda e edificio su
diseño di iluminacion ta haci un impacto y ta demostra un imagen hopi mas futuristico.
Ambos mandatario a keda hopi impresiona cu e cambionan grandi y mehoracionnan cu a tuma luga tanto den e
edificio como den e parti exterior.
Ubicacion di e oficina di RdA ta practicamente den porta di CITGO Aruba cual sin duda lo efectua e rol importante
como doño di e refineria y den e funcion di control riba e operacionnan di CITGO Aruba.
Un siman cu sigur a demostra di ta importante pa nos Sunrise City na momento cu a habri e siman cu inauguracion
di e proyecto di WEB “Parke Solar” ubica riba e terenonan di e refineria, despues a tuma luga e anuncio cu e
trabounan pa construccion di Mancamp na CITGO lo inicia y awor ta cera e siman admirando un otro hoya cu ta un
di tantisimo inversionnan tumando luga den cuadro di reapertura di e refineria na San Nicolas.
Minister Ing. Mike de Meza ta sigur cu den un futuro cercando lo mira mas di e tipo di proyectonan aki ehecuta ta re
afirma su vision di mira San Nicolas den su gloria un biaha mas.