Page 10 - MIN TTC 22 FEB 2016

E puntonan di preocupacion di Otmar Oduber a wordo
ractifica den Conseho di Minister

Saturday, 20 February 2016 18:13
Tweet

Comparti

E puntonan di preocupacion di minister Otmar Oduber, a wordo ractifica den conseho di Minister y e
carta cu a wordo manda gobernador dia 6 di Januari, a wordo hala aden. Esaki ta informacion cu nos a
ricibi for di despacho di e minister, mustrando asina cu e capitulo a cera pa loke ta entregamento di su
retiro.

E puntonan no ta vigente, cual a notifica Prome Minister for di prome dia asina cu e ratificacio a tuma
luga. El a wordo discuti den conseho di minsiter. Tin concepto cu a wordo presenta. E concepto ey a haya
cambio riba dje y na momento cu e wordo ractifica, no mester ta un documento pa publico, ta un acuerdo
entre ministernan, cu naturalmente ta compronde y surpasa e diferencianan cu tabata tin y ta keda un
acuerdo entre coleganan cu lo cumpli cune tambe den futuro.
Segun e mandatario, awor cu e ractificacion a tuma luga, e mesun merdia e carta a wordo hala aden, e
minister a enfatisa.
Oduber no tin secrecia. Na momento cu e proceso wordo encamina na un forma serio, cu ta loke el a pidi,
e mes lo bin bek y splica na prensa e puntonan di enfoke, e puntonan cu e ta sinti cu ta necesario, cu
tabata tin mester e atencion. E no ta kere cu un documento mester ta publico, pa un hende por bisa si,
con serio e situacion tabata of no.
Oduber a sigui splica cu si no tabata tin e seriedad, e pasion pa bisa cu en berdad ta compronde como
gabinete, cu e puntonan aki ta puntonan importante, e otro coleganan a haci uso di e oportunidad pa
presenta, cu si na un forma sincero y honesto ta bisa cu ta tuma nan y ta pone accion riba nan y ta bay
cura pa nan tin consecuencianan positivo tambe, e ora no ta bal la pena sigui hunto. Awor cu e ta
ractifica, tin cu realisa cu tin punto cu por ta door di e gran cantidad di trabaonan cu tabata tin, a
overlooknan cu tabata prioridad pa cierto ministernan riba nan area di responsabilidad, pa ley, via LIM
(Landsverordering Instelling Ministeries) cu por ta no por a cumpli cune y cu awe, despues di e retreat cu
tabata tin, hunto cu miembronan di parlamento riba e trabaonan cu falta, tin un base hopi solido y di
confiansa, naturalmente di team, cu ta bisa cu ta bay cana padilanti. Pero tur proceso mester encamina.
Un proceso cu ta encamina 95%, semper ta keda un 5%, cu por basha henter e intento cu lo tabata tin
abao. Esey a tuma luga den conseho di minister y a papia riba cosnan grandi cu lo sigui.
Opocision ta papia di carta, pero nan mester a yama e minister den un reunion masha dia, si ta serio. E
intencion tabata pa haci politiek y hinca Otmar den stoma di Mike, hink'e den stoma di AVP of di hinca
un Arthur den stoma di Otmar of di Benny. Si tin seriedad, e carta a wordo entrega dia 6 di Februari.
Tabata tin mas cu suficiente tempo cu si en berdad tabata tin interes den e puntonan, lo a yama e
minister y splica den parlamento, cual no a tuma luga. Oposicion ta simplemente haci uzo di
oportunidad. No cu interes nacional, pero interes personal, partidista, pa mira con nan por saca beneficio
for di dje.

http://www.24ora.com/politica-mainmenu-18/105524-e-puntonan-di-preocupacion-di-otmar-oduber-a-
wordo-ractifica-den-conseho-di-minister