Page 12 - MIN TTC 22 FEB 2016

Otmar Oduber Aruba ta e prome destinacion den Caribe cu
ta bin cu ley di All Inclusive

Saturday, 20 February 2016 18:27
Comparti

Hopi biaha ora nos purba di compara nos mes of den discusionnan politico rond di turismo, nos ta
compara nos mes cu un Republica Dominicana of compara kico ta sosde na Cuba, y Minister Otmar
Oduber a splica hopi biaha, di e decisionnan cu a tuma awe, ta decisionnan cu ta diferencia nos mes di
tur e otro destinacionnan aki.

Por keda purba competi cu nan, pais cu tin 70 pa 80 mil camber di hotel, compara cu 7 of 8 mil cu nos tin
na Aruba, caminda cu tin 70 pa 80% di nan inventario cu ta All Inclusive, cu ta hendenan cu ta bin keda 4
pa 5 dia cera den hotel pasobra tur cos ta inclui, of nos ta keda y scoge pa e tipo di acomodacionnan pa
cual a tuma un decision tambe di bin cu un ley.
Aruba ta e prome destinacion den Caribe, probablemente den e continente, cu ta bin cu un ley pa regula
All Inclusive.
Despues cu haci esaki, no ta bay pasa cinco of seis luna cu ta bay mira un cantidad di otro hende ta sigui,
pasobra e maneho cu Aruba a scoge pe, ta haya su criticanan, ta haya su elogionan pe, pero e
responsabilidad cu Minister Oduber y gobierno ta carga ta, cu Aruba ta mucho dependiente. Nos ta e pais
number 1 den mundo cu ta depende riba turismo, pa djis bay cu suerte. Mester sa, tin un inventario
chikito, por crece cu paar di camber mas, pero por tuma e decision cu kier haci di Aruba un berdadero
elite destination.
Ora cu wak e maneho cu ta wordo hiba door di ATA y dene reunionnan cu e tabata tin, esaki a wordo
presenta e benta di e mercado Mericano, a shift di 2012 pa awo, for di totalidad di hendenan cu ta bin di
Merca cu tabata riba 100 mil bishitante, tabata 7%, pa awe tin riba 26% cu ta riba 150 mil como entrada
den nan pais. E ta un escogencia cu ta bisa cu kier pa Aruba keda un destinacion caminda cu den e ley cu
ta bay Parlamento, gobierno ta top off, cu e maximo cu por tin den All Inclusive riba nos Isla ta 45%,
Oduber a splica.

http://www.24ora.com/politica-mainmenu-18/105526-otmar-oduber-aruba-ta-e-prome-destinacion-
den-caribe-cu-ta-bin-cu-ley-di-all-inclusive