Page 22 - AHATA

A resulta cu dos hende homber a cana drenta na e resort luhoso aki, na un forma
peculiar. Uno tabata completamente bisti den su trahe di Santa Claus, y e otro tabata
bisti completamente na preto.

Ora cu nan a yega, nan a hasta menaza Security di e Hotel, y aki a los un tiro tambe pa
demostra cu nan intencion ta serio. Polis a bisa cu tin supuesto tiro cu a wordo
scucha, pero no a haya mas detaye.

Unabes den e joyeria, cu e arma keto bay menazando e trahadornan, nan a pasa man
pa un monton di prenda di gran balor, incluyendo diamante y oro. Cada rato, ambos
atracador a comunica den spaño perfecto.

Turistanan cu tabata den lobby e momento ey a bay den panico y tabata core den tur
direccion.

Despues di esey, e atracadornan a rek un careda na pia pa e salida di Hotel, y a

cuminza core bay, cruza caya y sigui bay direccion pariba. Pa e momento ey ya caba
Polis a ser notifica y tabata mobilizando pa e area.

Vocero Policial a confirma cu banda di 9:45 pm nan a worde notifica di un atraco cu a

caba di tuma lugar na The Ritz-Carlton Aruba.

Diferente unidad di Polis a cuminza core ta busca den area di Westpunt, Bakval, Saliña
Cerca, Boroncana, Kamay, y Palm Beach. Autoridad hudicial mientras tanto a bay na e

Hotel pa haya informacion. Aki detayenan valioso tabata sigui wordo suministra na
agentenan pafo. A hasta cuminza revisa security video di e Hotel y di e Joyeria.

Aunke e anochi aki tabatin un luna cuartal den cielo ta suministrando 62% di su

reflexion di luz, Helicopter di Polis tambe a lanta vuelo y a cuminza yuda cu nan
sunlight pa ilumina areanan scur.

Mas unidad di Polis a mobiliza for di varios distrito di Aruba rumbo pa e lugar. Como cu

e momento ey tabatin Parada di Flambeu andando na Playa, e haci uso di Watty Vos
Boulevard pa yega mas rapido.