Page 23 - AHATA

Polisnan no a djis core den auto, pero nan tambe a cuminza core na pia den mondinan
di e area. Asina a bin topa cu algun prenda cu lo a sali cay for di e sospechosonan. A
haya tambe benta abao e barba di Santa Claus, y demas atributo cu a wordo usa pa e
atraco, incluyendo handschoen. Tur esaki a wordo confisca y lo bay haci analisis

forensico di laboratorio riba nan.

Mientras tanto, Polisnan na e joyeria a pidi presencia di Atraco Team, como tambe
personal di Slachtofferhulp, y tambe Polisnan Forensico di BFTO. Tabatin confirmacion

cu e trahadornan a pasa den un susto, pero toch tabata coopera pa duna informacion di
loke nan a mira.

Diasabra anochi laat mes Polis a bisa cu nan a detene un persona di interes, pero no a

haya detaye mas despues si acaso e ta un sospechoso of no. Tampoco no a duna
informacion kico precisamente a wordo horta, pasobra tin di bay haci un inventario pa
determina esey.

Cuerpo Policial ta pidi ken cu a wak algo of sa algo yama Tipline di Polis cu ta 111-41.

https://www.diario.aw/2020/01/atraco-violento-riba-joyeria-den-the-ritz-carlton-a-laga-turista-y-
trahadornan-spanta/