Page 23 - Diario,28Mrt2015
P. 23
DIASABRA 28 MAART 2015 DIARIO PAGINA 23
Staten na soño
Un par di dia pasa un miembro di Tweede Kamer di VVD
e partido di Rutte a pidi su retiro pa motibo di placanan cu
e a ricibi di cual e no a duna informacion na presidente di
Tweede Kamer.
No tabatin nada di discusion ariba e caso aki. Di biaha e
parlamentario a tuma su retiro y desaparece manera mester
ta. Na Aruba nos tin e caso di miles di Florin cu tin di haci
cu Evelyn Wever Croes y nada a sali afo. Un rato algun di e
miembronan di Staten di AVP a grita un poco pa bay den un
silencio total atrobe. No a bin ningun splicacion di unda e
placa a bin, pakico e placa tabata y asina un cantidad mas di
pregunta a keda colga den laira.
E caso aki ta asina cuestionabel cu ta increibel cu tur 13
miembro di Staten di AVP a laga algo asina importante un
banda. No tin un splicacion legal posibel cu un miembro
di Staten ta envolvi den casonan di tanto mil Florin sin cu
e miembro di Staten aki tuma su retiro inmediatamente. E
hecho cu no tin ningun splicacion aceptabel un encuesta
parlamentario ta na su luga pa sigura cu e berdad di e
sumanan grandisimo sali na cla.
Den e caso di landslaboratorium caminda 10 miyon Florin
a worde horta y esun mas culpabel segun e Huez cu a trata
e caso ta cana rond liber. Esnan cu a horta centenares di mil
Florin na Lotto pa Deporte a worde laga liber door di nos
ministerio publico. Un silencio total di e miembronan Staten
di AVP. Besaril ta den medionan di comunicacion tur dia cu
atakenan contra nos gobernantenan y su “hit and run” a bay
drumi den e famoso “doofpot”.
Ministro di husticia no por duna te awe un splicacion drechi
pa e scandal aki y e comisario di polis a bay sconde tras di
landsRecherche. Staten na soño! Awo nos tin nos dilanti un
caso cu ta hole masha malo mes caminda lider di fraccion
di MEP ta envolvi den pagonan di miles di Florin sin cu
esaki a haya un investigacion profundo. Un rato un par di
grito pa despues desaparece. Na Hulanda nos ta mira cu e
parlamentario envolvi den caso di placa a tuma su retiro di
biaha. Aki na Aruba ta parce cu ora un miembro di Staten di
MEP ta envolvi den asuntonan contra ley e ta worde eleva y
trata como heroe.
Tin dos aspecto hopi importante pa motibo di e casonan
aki. Na prome luga pa nos estado di derecho ta imposibel
cu representantenan di pueblo claramente ta envolvi den
casonan severo contra di nos leynan y nan no ta worde
persigui mientras ora ta trata di ciudadano normal si ta
worde seriamente persigui. E di dos aspecto hopi negativo
ta cu nos conciudadanonan ta wak kico ta sosode cu e
politiconan cu ta comete crimen. E criminal ta worde scapa
cu e consecuencia cu e conciudadano ta bay kere cu esaki
ta e actitud normal entre parlamentarionan di gobierno y
di oposicion. Pesey den pueblo semper ta tende tur politico
ta mescos, tur ta corupto y ladron. E falta di persistencia
di e miembronan di Staten di AVP ta reforza e opinion aki
y nada ta worde haci. Ora tende e miembronan aki culpa
cierto ministro esaki ta un signal di impotencia pasobra
e miembronan mes di Staten ta e controladornan di e
ministronan. Keda sconde cu e argumento aki no ta bon
y ta bay causa daño grandi na partido si no haci algo mas
pronto posibel. Aki un par di dia ningun di e miembronan
di AVP por habri nan boca mas pasobra nan ta worde hari y
considera hasta pio cu e malhechornan di MEP.
Staten na soño
Un par di dia pasa un miembro di Tweede Kamer di VVD
e partido di Rutte a pidi su retiro pa motibo di placanan cu
e a ricibi di cual e no a duna informacion na presidente di
Tweede Kamer.
No tabatin nada di discusion ariba e caso aki. Di biaha e
parlamentario a tuma su retiro y desaparece manera mester
ta. Na Aruba nos tin e caso di miles di Florin cu tin di haci
cu Evelyn Wever Croes y nada a sali afo. Un rato algun di e
miembronan di Staten di AVP a grita un poco pa bay den un
silencio total atrobe. No a bin ningun splicacion di unda e
placa a bin, pakico e placa tabata y asina un cantidad mas di
pregunta a keda colga den laira.
E caso aki ta asina cuestionabel cu ta increibel cu tur 13
miembro di Staten di AVP a laga algo asina importante un
banda. No tin un splicacion legal posibel cu un miembro
di Staten ta envolvi den casonan di tanto mil Florin sin cu
e miembro di Staten aki tuma su retiro inmediatamente. E
hecho cu no tin ningun splicacion aceptabel un encuesta
parlamentario ta na su luga pa sigura cu e berdad di e
sumanan grandisimo sali na cla.
Den e caso di landslaboratorium caminda 10 miyon Florin
a worde horta y esun mas culpabel segun e Huez cu a trata
e caso ta cana rond liber. Esnan cu a horta centenares di mil
Florin na Lotto pa Deporte a worde laga liber door di nos
ministerio publico. Un silencio total di e miembronan Staten
di AVP. Besaril ta den medionan di comunicacion tur dia cu
atakenan contra nos gobernantenan y su “hit and run” a bay
drumi den e famoso “doofpot”.
Ministro di husticia no por duna te awe un splicacion drechi
pa e scandal aki y e comisario di polis a bay sconde tras di
landsRecherche. Staten na soño! Awo nos tin nos dilanti un
caso cu ta hole masha malo mes caminda lider di fraccion
di MEP ta envolvi den pagonan di miles di Florin sin cu
esaki a haya un investigacion profundo. Un rato un par di
grito pa despues desaparece. Na Hulanda nos ta mira cu e
parlamentario envolvi den caso di placa a tuma su retiro di
biaha. Aki na Aruba ta parce cu ora un miembro di Staten di
MEP ta envolvi den asuntonan contra ley e ta worde eleva y
trata como heroe.
Tin dos aspecto hopi importante pa motibo di e casonan
aki. Na prome luga pa nos estado di derecho ta imposibel
cu representantenan di pueblo claramente ta envolvi den
casonan severo contra di nos leynan y nan no ta worde
persigui mientras ora ta trata di ciudadano normal si ta
worde seriamente persigui. E di dos aspecto hopi negativo
ta cu nos conciudadanonan ta wak kico ta sosode cu e
politiconan cu ta comete crimen. E criminal ta worde scapa
cu e consecuencia cu e conciudadano ta bay kere cu esaki
ta e actitud normal entre parlamentarionan di gobierno y
di oposicion. Pesey den pueblo semper ta tende tur politico
ta mescos, tur ta corupto y ladron. E falta di persistencia
di e miembronan di Staten di AVP ta reforza e opinion aki
y nada ta worde haci. Ora tende e miembronan aki culpa
cierto ministro esaki ta un signal di impotencia pasobra
e miembronan mes di Staten ta e controladornan di e
ministronan. Keda sconde cu e argumento aki no ta bon
y ta bay causa daño grandi na partido si no haci algo mas
pronto posibel. Aki un par di dia ningun di e miembronan
di AVP por habri nan boca mas pasobra nan ta worde hari y
considera hasta pio cu e malhechornan di MEP.
