Page 34 - MIN.JUS MAY 21
P. 34
Reaccion grandi pa e reunion di autonan
stuur banda drechi
Grupo di doñonan di auto banda drechi a yama un reunion pa diaranzon anochi na Centro
di Bario Playa pabao, pa asina trece dilanti kico lo ta e plannan pa bay cana e caminda pa
busca nan derecho como doño. Segun nan representante, Cristian Soto-Garcia, el a keda
sorprendi di e acogida di e accion di firma.
E mes a spera 300 persona di e 3000 personanan cu nan tin riba nan pagina di Facebook.
E reaccion pa e tema aki, ta sumamente grandi. Aki ta keda demostra cu hendenan no a
bay di acuerdo cu loke e minister di Husticia, Arthur Dowers, a bin dilanti.
Manera tur hende sa, diadomingo a sali un relato riba medionan di comunicacion, cu a
papia riba e posibel cambio di ley of posibel restrincion riba autonan cu stuur banda drechi.
E cambio aki, of e noticia aki a cay den mal tera cerca hopi hende y ora cu mira e reaccion
riba Facebook con e ta bayendo, Soto a dicidi di uni e hendenan un rato y apesar di esey
percura pa e union tey si mester tuma cualkier tipo di accion.
Soto ta sigui splica cu el a cuminza cu e pagina diadomingo, dialuna a lanta cu mas di 1000
dialuna y awe diaranzon, a lanta cu mas di 3000 persona, cual ta mustra cu e belang di e
personanan aki pa nan auto, pa nan propiedad, ta hopi importante.
Awe nochi a trece tur hende hunto pa duna informacion kico ta pasando internacionalmente
y splica corectamente contrario di loke minister ta papia, kico ta e situacion na Aruba, kico
ta e proposicion di cambio di ley cu nan kier trece, e pasonan pa lanta un Fundacion y mas
importante di tur, cu a medio logra, ta coy e atencion di e minister, Soto a splica.
