Page 15 - ATA.
P. 15
Tur aña, ta wordo celebra almente dia 27 di september. E celebracion aki ta globalmente
na unda e enfoke ta basa riba e habilidad pa educa, empodera y produci cambionan den
comunidad y conserva turismo como algo cultural y di balor economico.
E aña aki e organisacion internacional ‘United Nations World Tourism Organization’
(UNWTO) ta enfoca
riba e tema ‘Sustainable Tourism – a Tool for Development’. Esaki ta den linea cu 2017ta
e aña cu ‘Sustainable Tourism for Development’. Dia di Turismo Internacional ta wordo
celebra desde dia 27 di september 1980, e dia cu e Statuten di e organisacion UNWTO a
wordo reconoce y ratifica. Paz & Dialogo, Energia, Accesibilidad, Herencia Global,
y Awa & Turismo tawata algun di e topiconan cu a wordo treci dilanti durante e
ultimo 37 edicion previo di World Tourism Day. E Secretary-General di UNWTO, Sr.
Taleb Rifai, kende a bishita Aruba aña pasa, ta elabora referente Dia Internacional di
Turismo bisando lo siguiente: “Aña pasa (2016) 1.234 miyon biahero a cruza fronteranan
internacional den un solo aña. Pa aña 2030, e 1.2 biyon aki lo bira 1.8 biyon biahero. E
pregunta ta, con nos por activa e forza poderoso di e transformacion global, e 1.8 biyon
oportunidad, pa contribui na haci e mundo aki un miho luga y pa avanza desaroyo
sostenibel den tur su tres pilarnan (e aspecto economico, e aspecto social y e aspecto di
medio ambiente)”. Ademas Sr. Rifai ta laga sa cu “Corda cu unda sea cu bo ta biaha, ki
ora cu ta, semper respeta naturalesa, respeta cultura y respeta e huesped”.
Manera tur aña, A.T.A. ta commemora e ocasion aki cu un conferencia unda ta elabora
riba diferente topico di importancia pa cu nos turismo. Minister di Turismo Sr. Mike de
Meza lo habri e conferencia sigui pa Sra. Ronella Tjin Asjoe-Croes kende lo duna un
presentacion ‘A.T.A.’s Strategic Direction for 2018: The Big Picture”. E conferencia e
aña aki ta conta cu un variedad di orador manera sr. Olivier Henry-Biabaud, CEO di
