Page 67 - Conbine
P. 67
Durante reunion di comision di Salud di Parlatino a
discuti topiconan di suma importancia pa proteha salud
di paisnan Latino Americano y di Caribe
on: Thursday, June 11, 2015In: LocalNo Comments
Print Email
Parlamentario Mervin Wyatt-Ras e weekend cu a pasa a representa Parlamento den reunionnan
di Salud na Havana-Cuba. Senadornan di diferente pais a participa manera Argentina, Aruba,
Bolivia, Brazil, Chile, Colombia, Corsou, Costa Rica, Cuba, Ecuador, Mexico, Panama, El
Salvador, Sint Maarten, Uruguay y Venezuela. Alabes tabata tin un miembro observador for di
Maroco.
Pa loke ta trata e topico di hipertension di pulmon, un sobreviviente di e malesa a relata kico el a
haci pa mehora y a presenta un proyecto di ley pa paisnan por atende cu y reglamenta malesanan
“raro”. Hecho ta cu e malesa aki te ainda no ta ser diagnostica mesora, e patentnan cu ta perde
rosea y mester uza oxigeno via mashin, ta muri dentro di 2 aña si nan no ricibi e medicina
adecuado. Ademas cu e pashent no por hala rosea bon e no por traha y hasta ni por haci simpel
tareanan domestico ni tampoco move manera cu e ta desea dor di dicho falta di rosea cu hasta ta
ocasiona dolor. P’esey mes a propone un ley di cuadro (kaderwet) cu paisnan por adopta. A
nombra un comision cu lo traha ariba esaki y lo agrega tambe otro malesanan manera entre otro
diabetes y HIV/AIDS.
E malesa Ebola tambe a ser discuti durante e reunion. Ebola aunke ya caba na aña 1976 a
constata prome casonan, ta te dia 23 di maart 2013 a bati alarma na New Guinea y un aña
despues na 2014 tabata tin ya alrededor di 5000 morto a causa di e enfermedad aki. A bati alarma
pa medio di World Health Organisation ora cu personanan di paisnan manera Merca y Europa a
ser contagia. Ya tin 2 diferente vacuna cu ta wordo uza sinembargo no ta sigur di e resultado,
pues falta mas investigacion. En bista cu poblacionnan ta biaha hopi ta keda importante pa
gobiernonan tin plan y strategianan pa proteha nan comunidad, specialmente na fronteranan.
Por bisa cu na Aruba Parlamento a ser informa dor di minister di Salud y e departamento di
