Page 68 - Conbine

Epidemiologia cu lo bin un plan y strategianan y nos a keda den espera di un otro presentacion al
respecto. Na Aruba ya 2 persona ariba Barco a ser debolbi. Y siman pasa dia 1 di Juni,
gobiernonan di Hulanda, Aruba y Corsou, durante e conferencia di cuido di salud (HCCA) a
firma un protocol pa traha hunto ariba “International Health Regations”. E cooperacion aki lo
mester ser realisa na otro paisnan Latino Americano y Caribe. Reino Hulandes den esaki ta un
ehempel. Un otro aspecto cu a ser trata ta derecho di patent. Aki a keda presenta un kaderwet pa
diferente pais por evalua pa nan mes. Na Aruba por bisa nos a pasa na December aña pasa e ley
di Cuido di Salud unda cu a duna inspeccion un rol mas prominente. Y a haci posibel cu tin mas
control di calidad y cu patentnan por entrega keho ora algo no ta bay manera cu mester bay.
Durante tratamento di presupuesto den mei reciente a aproba un amienda pa asina ubica placa pa
asina institui e Inspeccion di Salud. Wyatt-Ras ta lamenta cu fraccion di MEP no a vota pa
sostene e amienda aki. Wyatt-Ras ta haya relevante pa por evalua e ley presenta. Durante
tratamento di e ley di Cuido di Salud, por a tuma nota di un patientenraad di Hospital cu por tin
un rol importante den presentacion di un maneho y ley pa cu patentnan. Wyatt-Ras ta haya cu
enberdad cu den futuro enbista cu nos pueblo ta mas consciente y prome cu un patent bay dokter
ya e ta lesa ariba internet kico por ta su malesa e ta haci cu dokternan mester mas al dia cu nan
conocemento y experticio, locual ta trece cun’e cu e patent ta ser considera como partner den
mehoracion. Na Aruba compara cu otro paisnan Latino Americano nos tin derecho ariba cuido
medico pa medio di seguro general medico AZV y nos tin un Hospital cu ta ser renoba y
modernisa y un cantidad di facilidadnan di cuido y prevencion. Nos hendenan sa keha
sinembargo nos mester ta contento cu kico nos tin paso otro paisnan te hasta paisnan rico manera
Merca no tin e sistema manera nos tin. Un patent den e paisnan aki tin cu paga pa e por mira un
dokter y tambe pa su remedinan. P’esey mes den reunionnan cu paisnan den exterior e ta haci cu
bo pianan ta wordo poni ariba tera y cu bo ta realisa cu loke nos tin ta hopi mas cu otro paisnan,
aunke sigur nos tin cu sigui mehora.