Page 16 - AAA

den Caribe pa esnan cu kier biaha cu famia.

Esaki ta a base di varios factor, incluyendo aeropuerto, infrastructura di transportacion, calidad di
buelonan pa e destinacion, facilidad di nabegacion riba e isla, variedad di atraccionnan, playanan y
beyesanan natural. Ademas e proporcion y calidad di nos hotelnan cu facilidadnan pa por acomoda un
famia a wordo evalua.

Categorisando Aruba como e ‘capital di turismo di e islanan den Reino Hulandes’, Caribbean Journal ta
conclui cu Aruba a sa di mantene y crea locual ta un di e destinacionnan mas amabel den region
Caribense. Tambe Aruba ta destaca den infrastructura di transporte y un gran variedad di buelonan
directo di su mercadonan principal Merca y Latino America.

Segun Caribbean Journal, tin varios opcion den region Caribe, pero ta algun isla tin e elemento unico
familiar y amabel, cu ta agrega na e nivel di comfortabilidad y seguridad, haciendo di e destinacion di
Aruba uno ideal pa un famia cu ta biaha hunto y como tal brindando un estadia di calidad y ‘family-
friendly’. Den e cuadro aki Aruba a sa di destaca entre tur otro destinacion Caribense.

Aruba Tourism Authority kier a gradici pueblo di Aruba henter pa e dedicacion continuo na nos turismo.
E reconocemento aki ta wordo bon ricibi y ta valida Aruba su strategia turistico y mas importante ainda e
amabilidad di nos hendenan cu ta haci di Aruba e destinacion preferi pa hopi famia rond mundo.
Durante e prome 6 lunanan di aña 2017, 48% di e total di nos bishitantenan ta ‘repeat visitors’,
bishitantenan fiel cu stima Aruba como un destinacion familiar y amabel pa pasa nan vacacion trankil.