Page 16 - bon-dia-aruba-20170819

a16 analisis
Diasabra 19 augustus 2017

Eleccion di ultimo añanan den cifra (diferente)

Entre tur informacion y material cu ta sali tocante e proximo eleccion
dia 22 di september, nos a trata di analisa y mira e da-
tonan disponibel di un angulo un poco diferente.

Por ehemplo nos a bay busca e informacion tocante e politi-
conan cu den e ultimo decada tabata esnan mas destaca pa
loke ta voto: e votegetternan mas grandi. Den e siguiente ta-
bel un resumen di e dies ‘votegetter’nan mas destaca na 2009
y 2013. E lider absoluto den e categoria aki ta e actual lider
di partido AVP y ministro presidente, Mike Eman. Den su
prome aparicion riba lista di AVP sr. Eman a logra 3933 voto,
e lider den voto di su partido den e eleccion ey. Eleccion a re-
sulta desastroso pa su lider e tempo ey, Tico Croes, cu a logra
solamente 2515 voto. Sr. Croes a disparce di scenario y Mike
Eman a tuma rienda di e reconstruccion di su partido, log-
rando victoria absoluto na 2009, y ripiticion di esaki na 2013.

Manera semper den politica, cos por y ta cambia. E segundo
votegetter di ultimo añanan ta Otmar Oduber, cu ya no ta
pertenece na e mesun partido y ta lider actual di partido POR.
Dos persona cu ta encabesa POR ta den e lista aki: sr. Oduber
y Andin Bikker. Tambe por observa cu tur e lidernan den voto
ta ‘in business’ ainda, cu excepcion di ex ministro Paul Croes,
cu no ta aparece mas riba lista di AVP.

2013 2009 2005
1 Eman, Michiel Godfried 8222 8068 6188
2 Oduber, Otmar Enrique 4008 1647 918
3 Sevinger, Oslin Benito 3932 2072 1403
4 Wever Croes, Evelyna C. 3396 1621 --
5 Bikker, Andin C.G. 3047 1621 1262
6 Ruiz Maduro, Xiomara J. 2495 260 --
7 Croes, Glenbert F. 2371 --- 755
8 De Meza, Mike Eric 2100 2805 1217
9 Dowers, Arthur Lawrence 2079 1281 858
10 Croes, Pauldrick F.T. 1898 1578 --