Page 33 - FUNDASHON LOTTO PA DEPORTE
P. 33
Dialuna atardi, Pony League di Aruba Juniors a bin celebra nan victoria na Paradise
Beach Villas, unda cu tur e miembronan a bay para y mustra nan trofeo dilanti e
turistanan.
Nan a sali campeon di Pony League, dia 17 di Februari ultimo, unda cu nan a hunga best
of 3. E score final tabata 11-1. Un Knock Out completo.
Na e bar, mama di e team, a dirigi algun palabra, unda cu el a expresa di ta aprecia
Paradise Beach Villas pa yuda e team for di cuminsamento cu uniform, helm, etc., etc. Na
final di e discurso, tur e miembronan di e team a presenta nan nomber y posicion cu nan a
hunga, dilanti tur hende. A wordo menciona tambe cu 7 di e miembronan a wordo escogi
pa PRO LEAGUE. Na final nan a bay den un meeting room, den un ambiente mas priva,
unda nan a sigui disfruta di nan victoria cu un bon cena.
Nomber di e campeonnan di Aruba Junior ta como lo siguiente: Amir Bergen, Daniel
Hernandez, Jomar Ortiz, Jeadree Koolman, Ian Samson, Joan Sierra, Jermain Farro, Isaac
Mendez, Wilquin Dirksz, Bryan Erasmus, Raybel Garro, Christopher Veriguete y Xavier
Croes. Manager di e ekipo ta Chaco Hernandez y Coach ta Omar Ortiz. Palabra di pabien
ta bay na tur e hungadornan, e manager y e coach, pa nan victoria.
