Page 37 - FUNDASHON LOTTO PA DEPORTE
P. 37
Diadomingo 11 di maart proximo, e federacion di triatlon lo organisa su di dos evento
den un solo weekend cu e Guardian Sprint Triathlon cu lo inicia pa 7’or di mainta na
Boca Catalina. E evento di Sprint Triathlon ta wordo recori cu e intensidad mas halto cu
normal mirando e distancia cortico di e tres disciplinanan esta landa, core bais y core na
pia.
Pa loke ta e participacion pa cu e careda di Sprint Triathlon, e categorianan lo ta den Kids
te cu 14 aña unda nan lo mester landa 375 meter, core bicicleta 10 kilometer y finalisa cu
2.5 kilometer core na pia. Den e categoria di Junior y Adulto Male, e distancianan recori
lo ta un tiki mas. Aki cada atleta lo mester landa un total di 750 meter, core bicicleta pa
20 km y finalisa e competencia cu un 5 km careda na pia. Por ultimo lo tin e categoria di
Female Open 15+, unda cada atleta lo mester landa un total di 750 meter, core bicicleta
pa 20 km y finalisa e competencia cu un 5 km careda na pia.
Un danki sigur na Lotto, e Loteria di Aruba pa medio di Stichting Sportsubsidie Aruba cu
a subsidia e evento Sprint Triathlon organisa pa Aruba triathlon Association
Cumprando weganan di Lotto, e Loteria di Aruba manera Catochi, 1-Off, Big 4, Zodiac,
Wega di Number Korsou, Lotto di Dia, Lotto 5, Mini Mega, Mega Plus y weganan di
Raspa bo ta contribui na deporte ribanos isla. Meta di e fundacion ta pa organisa loteria,
cambia bida di su hungadonan y na mes momento inverti den deporte local pa medio di
donacionnan na e Stichting Sportsubsidie Aruba.
