Page 5 - KPA FLIP 23 SEPT 2017

2 Edition AWEMainta Diabierna, 22 September 2017 11
nd

Ta spera

Resultadonan den

e caso di Natalee

Holloway dentro

di dos siman

E resultado di testnan haci riba wesonan den e in-
vestigacion di Natalee Holloway ta ser spera dentro
di dos siman. E tata di e hoben, kende a desaparece
durante su vacacion aki na Aruba den 2005, a conti-
nua su buskeda p’e berdad pa diesdos aña caba.

Dave Holloway y investigador TJ Ward a anuncia
luna pasa cu nan a descubri restonan humano na
Aruba despues di ricibi un pista tocante un sitio ca-
minda e hoben lo por a ser dera.
Segun e fuente Oxygen.com, e investigacion a revela
cu por lo menos un di e fragmentonan di weso ta bin
di un persona di descendencia Europeo.

Den e programa “The Disappearance of Natalee Hol-
loway” a bisa cu e resultadonan final – cu lo determina
si e wesonan en berdad ta pertenece na e hoben – lo
ta cla pa mas tarda 6 di october.

Speculacion den e caso ta cay riba Joran Van Der
Sloot, kende a wordo mira hunto cu e hoben prome
cu su desaparicion. Te cu awe nunca el a wordo con-
dena pa dicho desaparicion.
Mientras tanto, e ta sintando un castigo di casi 30
aña na Peru p’e asesinato di un hoben muhe cu el a
mata den su camber di hotel.

Den e investigacion actual, un supuesto amigo di
Van Der Sloot, John Ludwig, a conta cu el a wordo
paga pa saca e restonan di Natalee Holloway hunto
cu Van Der Sloot den 2010, y cu nan a kibra nan
pa basta ora.
Ludwig a bisa cu Van Der Sloot a mescla e restonan
di e hoben cu wesonan di un cacho cu tabata un
mascota di Ludwig cu tabata pa hiba pa cremacion.

Procuradornan na Aruba tabata skeptico rib’e hay-
azgo di Dave Holloway y a conta Huffington Post
cu loke nan a encontra n’e sitio tabata solamente
wesonan di animal.