Page 15 - AWEMAINTA

Diabierna, 22 Juni 2018 AWEMainta 15

Francia a saca Peru di Mundial

FRANCIA a seya su pase pa octavo di final
despues di a gana Peru 1-0, danki na un
gol solitario di Kylian Mbappe, kende cu e
anotacion aki a converti su mes den e hungado
mas hoben cu marca den un Mundial cu e
jersey di Francia.
E prome tempo tabata yena di oportunidad.
Deschamps a percura pa bin cambio den e
oncena, cu Giroud como titular, Matuidi
trahando na e banda robes pa asina Griezmann
keda los patras den un punta, y cu Pogba, cu
a hunga riba gran nivel, teniendo hopi tereno
pa ricibi e bala den medio campo.

Francia a genera ocasion, pero Griezmann no
a logra remata bon cu e derecha den e mano a
mano, mientras cu e propio Pogba a manda un
tiro demasiado cruza den minuut 11, despues
di a saca un remate hopi peligroso di medio
distancia. E partido a sigui habri, y Guerrero,
mey mey di veld den e prome mita, a saca un
disparo cu Lloris a wanta bon cu su pia.

Francia ta sigui avanza y den minuut 34 el a
hinca e 1-0. Tabata un hugada hopi positivo
di Pogba, kende a hinca e bala den e buraco
pa Giroud. E cabayero di Chelsea a tira bon,
pero e remate aki a sali ta bounce y Mbappe
a probecha den boca di gol pa push’e trankil
den e net. .
E di dos tempo tabata un otro storia, y nos
por a mira Peru mustra tur su orguy. E ekipo
di Gareca a rondona Francia, cu un disparo
lehano cu a pega den un cruce y Carillo a
centra demasiado fuerte, poco despues, aunke,
den un bon posicion. Peru a sigui preta, pero
Francia a defende su mes bon y a certifica su
pase pa octavo final.