Page 18 - AWEMAINTA

18 AWEMainta Diabierna, 22 Juni 2018

Croacia a golea Argentina y a lague na rand di eliminacion

E selección dirigi pa Sampaoli a wordo
ampliamente supera pa e Croatanan den tur
sentido, nan no a haya espacio pa haci nan
hugadanan y nan a comete varios eror den
salidanan, cu a wordo provecha door di e ekipo
Croata pa seya e 3-0 definitivo, cu a sigura nan
pase pa octavo final na Rusia.
Un wega nada comodo pa Argentina, cu a haci
algun intento timido y di poco efectividad pa
habri e score. Sinembargo e Croatanan no a haci
e trabou facil pa e ekipo di Messi, cu a presiona
hopi, dobel marcacion y un gran siguridad
defensivo.
E desesperacion di e seleccion Argentino pa
logra e triunfo a stroba pa nan ta hopi cla den e
wega. Cuminsando cu e eror di e keeper, Willie
Caballero, kende a debolbe un bala malo pa un
colega pero el a bay pa e rival y a finalisa den e
prome gol di e wega.
Croacia a probecha e desesperacion di Argentina,
causando daño den e contragolpi. Un golazo
di Modric, di mita distancia, a decreta e 2-0,
mienrtas cu den di 91 minuut a bini otro accion
di contra atake cu a pone e wega 3-0.
E derota humiyante di e albiceleste a laga tristesa,
amargura y caranan palido entre e fanaticonan
Argentino. Cu e resultado aki Croacia ta lider di
Grupo C cju 6 p;unto, Islandia na di dos luga cu
un punto pero un partido menos; Argentina ta
na di tres cu un punto y ultimo luga ta Nigeria.