Page 18 - Min.Jus 12 March 2015

Comparti

KIA tin un director nobo desde dia 19 di januari 2015. Trudy Hassell ta bin di un carera den Cuerpo
Policial, unda cu e tabata comisario prome cu el a bira director di e prizon. Prome cu el a asumi e
posicion aki el a bay Hulanda pa un stage y actualmente ya tin shete siman den su funcion nobo.
E ta un experiencia sumamente grandi, cu tin su retonan sumamente grandi pero no ta retonan cu no por
wordo alcansa, Hassell a expresa. E trabao a cuminsa di biaha y na su yegada pa e prome cuater dianan a
tene un accion di “limpiesa” den e instituto durante cua a haya diferente articulo cu a wordo tuma den
beslag manera celular y droga. Hassell a splica cu a wordo bisa cu ta manera un tsunami a pasa, pero e di
dos ola di tsunami ta na caminda, unda cu su maneho ta basa riba tres punto cu tabata inclui tambe den e
raport di CPT como puntonan di atencion y critica durante di nan inspeccion di e centro di detencion.
Trudy Hassell a resumi e tres puntonan: Personal, cu durante di hopi aña a falta di haya e opleidingnan
adecua pa nan eherce nan trabao miho; Infrastructura, esta e edificio cu ta den un estado sumamente
deplorabel y a cuminsa traha duro riba dje; y Detenidonan, pa kende pa añanan largo no tabatin e
atencion ni e programanan di resocialisacion of reintegracion manera desea. Hunto, concentrando riba e
tres areanan aki lo hiba KIA na e siguiente nivel, segun Hassell. Tabatin sigur un falta di structura y parti
di e procesonan no ta cla y mester tin un maneho mas estricto pa cu varios asunto, el a conclui.

http://www.24ora.com/local-mainmenu-5/92797-maneho-di-director-nobo-di-kia-ta-basa-riba-tres-
punto-di-atencion

Presonan femenino ta muda pa un localidad nobo renoba y
bunita

W ednesday, 11 March 2015 22:13
Comparti

E comision internacional di inspeccion di centronan di detencion, CPT tabatin critica fuerte tocante di
KIA; nan a “keur af” e afdeling di hende muhe por completo. Pero, desde e siman aki, e damanan cu ta
deteni den KIA tin un localidad nobo.
Director di KIA, Trudy Hassell ta splica cu e ta uzando e criticanan di CPT como e fundeshi pa su maneho
y e afdeling di hende muhe tabata un di e partinan cu a haya desaprobacion completo di CPT. Dos siman
pasa un huez femenino a expresa su desaprobacion tambe ora cu el a bishita KIA pa wak e departamento