Page 21 - Min.Jus 12 March 2015

Tanten cu tin diferente idea riba mesa, un factor importante ta e falta di placa, pasobra tur cos ta draai
rond di placa awendia. Un prizon moderno cu tur facilidad y oportunidad pa programanan di
resocialisacion y reintegracion pa e detenidonan lo costa entre 50 pa 70 miyon florin y tin diferente
motibo pakico Trudy Hassell ta di opinion pa traha un KIA nobo cu ta mas den centro di Aruba.

E director nobo di KIA a splica cu el a wak un mapa pa un prizon nobo, pero no ta cumbini pa e prizon
nobo wordo construi den e mesun area unda KIA ta ubica awo. E efectonan di salpeter ta un di e
rasonnan principal. No solamente mester uza materialnan di construccion sumamente caro, pero e
mantencion tambe lo costa masha hopi placa. Hassell a bisa cu pa e parti ey so caba mester trece KIA un
poco mas den centro di Aruba. “Banda di esey, mundialmente prizonnan tin como regimen pa purba di
resocialisa e detenidonan. Hincando prizoneronan practicamente den lama y laga nan sinti cu nan no ta
forma parti mas di e sociedad no ta e forma ideal pa por mustra nan cu nan tambe por cambia nan bida y
nan tambe ta pertenece na nos sociedad,” Hassell a splica. El a bisa cu e ta kere den loke el a wak na
Hulanda, unda cu prizonnan ta construe meymey di cuidad y hasta cu tempo e cuidadanonan ta pidi pa e
prizon no bay pasobra tin e beneficio entre otro di siguridad mas estricto cu ta haci e hendenan sinti
sigur den e area pasobra tin vigilancia tur ora. E relacion familiar y cu nan otro sernan keri ta hopi
importante pa e detenido den su proceso pa resocialisa y reintegra den sociedad. Ubicando e prizon mas
den centro di nos isla tambe lo yuda fomenta pa encurasha mas bishita di famia y amigonan, como cu ta
mas facil pa nan yega na e prizon. Hassell ta splica cu particularmente hendenan grandi ta experencia
molester pasobra si nan ta biba leu por ehempel na Noord nan mester sali hopi tempran for di cas y
despues pa via di reglanan pa bishitantenan, tin biaha ainda nan mester warda bastante pa por drenta
bishita nan ser keri. E tardamento pa yega paden pa haci bishita ta trece cu kehonan y Hassell ta expresa
cu aunke e personal ta haci e esfuersonan necesario pa e proceso di bishita bay lihe, e bishitantenan
mester compronde tambe cu tin reglanan di siguridad cu sigur ta wordo regarda como obstaculo pero no
por “prop” tur hende hunto den e sala. Pa loke ta concerni e fondonan pa un renobacion of construccion
di un prizon nobo, Trudy Hassell a comenta cu el a tende algun tempo pasa cu lo tin fondonan den FDA
disponibel, pero e no sa si esaki ta e caso ainda.

http://www.24ora.com/local-mainmenu-5/92801-segun-trudy-hassell-ta-cumbini-construi-un-prizon-
nobo-y-moderno-mas-den-centro-di-aruba

KPA ta trahando pa yena e puestonan di Polis di Bario

W ednesday, 11 March 2015 22:21
Comparti