Page 10 - KPA 19 JUNE 2017

Señora cu ta sufri di Alzheimer perdi, despues di

bahe na su cas no sa di dje mas

11 hours ago 0 231 Views
Ban pls yuda e famia haya e sra aki cu ta sufri Alzheimers. Mi a caba di double check cu e persona di
contacto y nan no sa nada di dje ainda.
6415842 ta e number pa yama si sa algo di dje. Tambe por contact centrale post na 100 of cualkier
warda di polis.
Morto cruel na Camacuri, doño di compania ta

wordo electrocuta ora su cabes a dal contra waya

di hoogspanning

1 min ago 0 2 Views
Camacuri – Diasabra atardi un of mas automobilista pasando dilanti Budget Car Rental, na Camacuri ta
wak un persona completamente na candela.
E persona lo a bay pa traha ariba e billboard schuin di Budget y pa un of otro motibo, subiendo den su
Hoogwerker ta touch of dal su cabes na e waya di hoogspanning di Elmar.
Loke testigonan a conta.
” Mi a wak un persona full na candela y candela tawata sali di su cabes”, aki ta caminda cu polis a wordo
avisa.
E auto Ford SUV, para abou tambe lo tawata tin coriente of tawata tin candela cu a cay ariba dje.
Un otro testigo a confirma autoridad na e sitio ken e persona ta, paso algun rato prome ela pasa y a
cuminde y e persona cu a fayece a cuminda bek. Di e manera ey autoridad a bin haya un idea ken e ta.
Mientrastanto camindanan a wordo cera y unidadnan di rescate tawata yegando e sitio, pero no por a
haci nada mas. Ariba por a wak e curpa sin bida. Na e sitio bo por a haya holo di candela ainda.
Tur hende tawata keda na un distancia, paso coriente no ta cos di haci wega cune.
E fayecido lo ta doño di Fast Signs Aruba, un persona cu ta gusta su trabou y lo ta haciendo e pa hopi
aña.
Di parti di nos redaccion nos kier a manda un palabra di profundo condolencia na famia di e fayecido

Atracadornan arma ta drenta camber di un

mama y su 4 yiunan, si no a duna nan placa

nan lo a bay cu e baby
1 min ago 0 0 Views
Jaburibari – Diabierna anochi den careda di 9:45 un cas humilde situa patras di e post di Polis di Bario ta
wordo atraca door di 3 homber arma.
Un cas di un famia humilde por bisa. E atracadornan aki tawata asina dicidi cu nan a pasa man pa e baby
di e dama y menasa e dama di lo bay cu su baby, si nan no haya placa. E señora tawata den su camber
hunto cu su 4 yiunan, momento cu e atracadornan a drenta su camber. Niun tawata tin cara tapa.