Page 9 - KPA 19 JUNE 2017

Habitante ta topa cu homber desconoci pe den su

sala

4 mins ago 0 0 Views
Bushiri – Diasabra mainta algo prome cu 10’or, polis ta un cas na Bushiri complex.
Na e sitio nan a wordo splica door di e habitante, cu e ta den su camber doblando paña y ta sali y topa
cu un homber cu a pushe.
E dama bastante baliente lo a tene e mannan di e homber pa si e lo por tawata tin arma cune.
Loke e no por a compronde tawata ora e homber ta papia, segun e señora e homber cu lo tawata tin un
beach trunk bisti y tawata hole alcohol tambe. Pues esaki lo por tawata e motibo cu e no por a
compronde e demanda di e ladron.
Den e cas e señora ta wak pa un persona cu a sufri un stroke y ora cu e ladron aki a wak e homber ela
sali core bay, direccion Frankrijstraat.
Dama ta wordo mordi y gedal, pa su ex guy y su

ex suegra
1 min ago 0 0 Views
Sabana Liber – Diasabra mainta den careda di 8:45 polis a bay un adres na Sabana Liber, caminda un
homber lo a yega y maltrata un dama.
Na yegada di polis, nan ta detene un homber y un señora.
Parse cu e problema aki a cuminsa for di oranan di marduga. Polis cu a bay e adres den careda di 4’or y
mey marduga a wordo notifica, cu e ex lo a yega den un Suzuki shinishi kibra porta di e cas y comete
destruccion paden.
Tambe e homber aki ta coy passport di e dama bay cune. E ora eynan polis a bise pa bay haci denuncia.
Den oranan di mainta e homber a bolbe y tawata tin un señora cu ne, cu tawata su mama. E mama di e
ex ta esun cu lo a morde na su man.
Na yegada di polis mirando kiko a sosode caba den oranan di marduga a detene mama y yiu pa maltrato
y ladronicia.
Polis ta detene adicto busca pa husticia

1 min ago 0 0 Views
Ranchostraat – Diasabra marduga algo pasa di 5’or polis atento ta wak un adicto cu ta wordo busca pa
husticia.
Esaki tawata den Ranchostraat, caminda cu e dama aki ta wordo busca como sospechoso di un of mas
caso di ladronicia. Ela wordo transporta pa warda pendiente mas investigacion.
Un detencion y un dama herida den accidente na

Calabas

1 min ago 0 0 Views
Calabas – Diasabra marduga den careda di 4’or polis ta haya informacion di un accidente, na Calabas y
cu lo tin hende herida.
Na e sitio nos a compronde cu e auto blauw esta e Kia bayendo nort den e bocht, a hala na su man robes
y ta dal contra e Honda pick up.
Den e Kia un dama pasahero cu no tawata tin su seatbelt bisti resulta herida, momento di e impacto cu
ela bay dal su cara contra e dashboard aparentemente.
E chauffeur di e auto lo tawata bou influencia y despues di a test e ela keda deteni, door di a supla ariba
700ųgl.
Ambulance a transporta e dama pa hospitaal.