Page 20 - Remembrance in Emotion Book Cover Photo Poetry Book Example_Neat
P. 20
Lamotrigine
‘n gloed van vrede heers in my bestaan.
Maak my bang, wanneer gaan ek weer val.
‘n sluk van toksiese suspensies saamgepers.
Maak my heel, wanneer gaan ek wakker skrik.
Stukke van my lewe dwaal verward.
Die leemtes in my siel opgevul.
Die swaartes van gister deur my bloed gevul.
Hierdie aardse aanvalle. Waneer gaan dit stop?
Ek loop op golwe van die verlede. Wanneer gaan ek sink.
Seer van die jare, waai soos wind deur my hare.
Integreer met die bakterieë, viruses en atome.
Verwyte vaag en leeg. Emosies wemelloos.
Tyd staan stil, ek wag vir die donderstorm.
Maak dit alles reg, gaan alles net weg.
Herhinneringe vas gevries in leemtes in my siel.
Waarheen is die vrae sonder antwoorde?
As die ys smelt, waarheen gaan ek gly?
Onderdruking in my emosielose dop.
Tref styf om my, pynlik bo-oor my verdwaalde angs.
Weggegooide wantrou, ‘n boksie vol van jou,
In my kop weggebêre en toegevou.
L.L.
