Page 138 - Demo

牧師、傳道師及教會⻑⾧長⽼老帶領,去到其他部落的教會拜訪、交流; 他們主要的期望是,協助宣導福⾳音,以及堅定信徒的信仰。
Klaun mu ciida we, dehuk bobo hari mnekan alang miyan Gluban ka sekatay, ye mneyah Truku, ye mneyah Toda de nii mu ini klai ka kiya di. Ani mpdehuk bobo mnekan ka sekatay we, tena mhedu psnama ppuqun daha ka sinjya alang miyan yami di, mnekan de mosa suupu rehay kyokay nami kana ka sekatay ma sinjya alang nami, maku stenge seediq ka kyokay alang nami. Yami so laqi de kmuuruy miyan so bais kyokay mita dheya, seediq kana ka kyokay truma ma ngerac kyokay, uka so nii knugrahur seediq ka kyokay miyan klaali, so hari ka ga smmesung maanu, tqqaras kana ka seediq meyah mteme hii.
Mnekan ido bbiyan de mtlibu ngerac na tama mu ruda kana ka seediq alang, anu ga siyo ba kyokay ka sapah na tama mu rudan ma, sinjya kana ka tnsapah miyan yami; plaale han we dboksi ka meyah smdamac sinjya ma kana seediq mneyah hiya ma, mneeru so ga daun kyokay alang saya, kika suupu dmurn utux Baro. Kiya de prading kmeeki ma muuyas ka dsekatay, kmeeki keeki miyan Seediq ma, muuyas uyas kyokay, ncugil meyah pcenga psbeyax kari ka boksi ma sense na dheya; ye ado ka tnugiyo bale uweewa sare ma rsriso bale, malu riyung qtaan ka kkeeki daha, ini ba pntena keeki Plmukan ka keeki daha ma, lukus ga daha
137