Page 66 - AVP

Wyatt-Ras Ta Haya Cu Ehecucion Di Plan Social No

Ta Bay Na Un Forma Transparente

 Politica
- 22/08/2019

Mervin Wyatt-Ras (AVP) a desea exito y forza na tur mucha y hoben cu a cuminsa nan
aña escolar/estudiantil nobo.

E Parlamentario a compronde cu varios studiante cu biaha pa Hulanda pa studia no a
haya un kamber ainda. E ta spera cu Gobierno pone prioridad na crea condicionnan
necesario p’e studiantenan por cuminsa cu nan estudio na un manera positivo.
Wyatt-Ras ademas a comenta encuanto di e reunion publico cu tabatin den Parlamento
den cual a discuti e uitvoeringsrapportage of mihor bisa e entradanan y gastonan di
presupuesto 2019.

“Despues cu nos fraccion a haci un peticion pa ricibi raport di CAft y nos no a haye nos
no a tuma parti n’e reunion. Nos no kier ta parti di e fiesta, e politikeria, cu ta tuma lugar
pasobra ta bin papia yen di cos y na momento cu ricibi e raport di CAft lo ripara cu e
situacion ta totalmente diferente.

Pesey mes fraccion di AVP a pidi e raport pa nos tin un reunion un solo bez. E Ministro
Presidente a contesta cu ora e raport aki ta cla, e lo bin bek Parlamento pa duna nos
informacion. Ban spera cu ora nos pidi tal reunion esaki lo ser yama tambe. Pasobra hopi