Page 67 - AVP

biaha nos fraccion ta pidi reunion sinembargo e reunionnan no ta ser yama”, segun
Mervin Wyatt Ras.

E Parlamentario ta lamenta tambe cu durante e reunion a trece un asunto cu ta regarda
colega Richard Arends padilanti cu ta atacha su credibilidad y su integridad. E ta kere cu
ora bo haci esey y bo no tin prueba palpable y mesun colega di nos fraccion n’e mesun
momento a clarifica tur cos a trece dilanti su punto di bista y cu ta mira cu ta politikeria ta
wordo haci.

Wyatt-Ras ta haya cu Minister Presidente mester revoca su palabranan y si el a haci un
investigacion e mester bin cu tur e pruebanan.

Wyatt-Ras ta haya cu como Gobierno bo mester sa kico bo ta papia di dje prome cu trece
esaki padilanti. Pero ya ta usual caba cu e Ministro Presidente aki ta gaña y inventa.

Pero den e caso aki e mester bin cu su pruebanan.

Segun Wyatt-Ras e sucedido por pasa cu cualke un di nos tambe. Un persona por djies
inventa algo y atacha bo integridad y ta costa tempo pa drecha e imagen ey.

Pa loke ta trata e plan di crisis social por bisa cu a ricibi e raport di 2do kwartaal durante
comienso di reunion. E plan ta ensera 16.8 miyon florin. Di e suma 28% a ser uza y 39
persona a ser nombra.

Di otro banda por tuma nota cu tin un cantidad di instancia den e plan cu no ta conta cu
sosten di Gobierno. Nan lo mester cumpli cu rekisitonan, mientras e Gobierno aki a crea
un crisis y a priminti tur e instancianan cu nan lo bay haya mas placa pa ehecuta nan
proyectonan.

Pero no ta cumpliendo cu promesanan. Esey ta critica cu nos ta haya.

Pa loke ta trata e plan aki na ningun momento Gobierno no a bin Parlamento cu e
instancianan cu nos por scucha nan y haya nan opinion. Kico nan ta pensa en realidad di e
plan y su ehecucion. E Minister ta presente di e forma cu tin un miembro di Parlamento
den e comision unda nan ta dicidi ken ta haya placa y thats it.

Pesey mes Wyatt-Ras ta di opinion cu ehecucion di e plan no ta transparente. Pesey mes e
ta desea como Parlamentario y persona cu a traha den sector social unda sector social