Page 56 - AHATA

ORANJESTAD (AAN): Un di e desasternan cu
mas a haya atencion e aña aki tabata e “oil spill” cu a afecta nos costanan. Rino
Hermans, di Rampen Bureau a splica cu despues di basta luna di e incidente por bisa cu

e risico ta bay keda.

Si ta mira e situacion di Venezuela cu e mantencion di su refineria, cu e lago di
Maracaibo cu ta contamina pa petroleo, ta keda un preocupacion no solamente pa

Aruba pero pa e organizacion di Caribe pa combati “oil spill”, a indica.

Por ripara cu for di 2016, e costanan di Aruba a wordo afecta cu e derame di petroleo
for di Trinidad. Esey kiermen cu e costanan di Aruba ta keda vulnerabel, Hermans a

remarca.

Aruba su costanan ta un pilar economico. E risico ta mas grandi cu ta kere, pero ta
trahando con pa reduci esey, a indica.

A agrega cu tin un satisfaccion pa loke ta e yamada pa workshops, training y e crisis
plan cu ta drenta pa wordo coregi door di Rampen Bureau. Tin mas concientizacion cu
un par di aña atras.

E aña aki por a ripara cu cierto hendenan cu a haya tereno comercial no solamente
mester haya un plan di seguridad pa candela di Brandweer pero un analisis di risico di
Rampen Bureau, e experto den calamidad a duna di conoce.

https://www.diario.aw/2018/10/costanan-di-aruba-ta-keda-vulnerabel-pa-oil-spill/