Page 25 - HOSPITAAL

Djabièrnè 19 òktober 2018 39
Entidatnan di
salú preokupá
Obesidat ta
oumentando
bou di hende

muhé den
Caribe

WILLEMSTAD.- Obesidat
ta oumentando bou di hende
muhé den Caribe. Asina
entidatnan ku ta atendé
ku salú di hende den nos
region a indiká. Nan a duna
algun remarke riba e Dia
Mundial di Obesidat pa pone
atenshon na sobrepeso. E
dia a pasa sin ku na Kòrsou
a duna mas atenshon na e
djaweps último. E tema di
e aña aki tabata pa kaba
e stigma di obesidat “End
Weight Stigma”.
Caribbean Public Health
Agency (CARPHA) ku Kòrsou
ta afiliá na dje a bisa ku e
ta preokupá ku e kantidat
di hende muhé den nos
region ku tin muchu peso
i ta obeso. “Estudionan a
revelá ku hende muhé den
Caribe tin e posibilidat mas
haltu di obesidat pa loke
ta trata Body Mass Index
(BMI) kompará ku hende
hòmber. BMI ta e midí ku
ta usa pa indiká obesidat
serka hende. “Hende muhé
tin biaha ta tres biaha mas
obeso ku hende hòmber den
nos region i ademas nan tin
un posibilidat mas haltu di
obesidat di nan apdómen”,
asina un eksperto di e
instituto ta bisa.
Den un informe resien,
e organisashon regional di
salú PAHO i e organisashon
di Nashonnan Uní pa
Kuminda i Agrikultura
(FAO) a bisa ku obesidat i
peso di mas ta oumentando
den henter region di Caribe
i Latinoamérika. Esei ta e
kaso prinsipalmente serka
hende muhé i mucha. Den
e kuadro aki mester di un
aserkamentu kompleto di
komunidat, asina CARPHA
ta bisa. E organisashon a
remarká ku e lo sigui duna
sosten na paisnan miembro
i organisashonnan regional
den nan esfuersonan pa
minimalisá e impakto
di obesidat den region
di Caribe. Awor aki tin
diferente inisiativa ku a
tuma den nos region. Un di
nan ta pa kontrolá kuminda
i nutrishon en general i pa
implementá aktividatnan
pa evitá obesidat serka
mucha. Por sierto na Kòrsou
Sigui lesa pagina 47