Page 4 - MIN SJA

Andin Bikker: Nos mester prepara nos mes un huristanan
local pa traha nos ley nan, nos por traha nos propio leynan

local

Monday, 13 February 2017 11:44
Comparti

Riba un pregunta di Otmar Oduber tocante si mester di huristanan pa traha ley Andin Bikker a trece
dilanti cu na 2014 el a trece un resolucion den reunion tripartite conhuntmente cu e departamentonan di
Curacao y Sint Maarten, caminda nan a acorda cu pa medio di Universidadnan di Aruba y Curacao y pa
medio di instancianan di Educacion di Sint Maarten, nan a bin nz un Academia di Ley cu ta bay coopera
na traha e leynan pa tur e Islanan.

Esaki atravez di cursonan pa Wetgevings Jurist. Bikker a bisa cu hopi hende no ta realiza cu un
wetgeving Jurist estilo Europeo Hulandes ta un persona cu despues cu e gradua como hurista, mester
bay na un Post Academie Opleiding pa motibo cu Hulanda tin e dimension di loke nan ta yama acute
communiteit. Den Union Europeo a base di esey full e bachi di ley y ordenanzanan europeo mester
wordo teni na cuenta ora cu na Hulanda nan ta traha nan leynan local. Sin embargo nos leynan na Aruba
mas bien ta parce e leynan cu nan tin den provincia of municipio. Si wak e Islanan BES por ehemplo, nan
a tuma tur nos leynan over y practicamente ta e Codigo Civil y Codigo Penal di Aruba, Curacao y Sint
Maarten, ta vigente na e islanan BES. Esey kiermen cu ta relativamente facil cu den seis luna por educa e
Huristanan pa por traha nos tipo di leynan y no tin nodi di tene cuenta cu ordenanza y leynan di Union
Europeo, pasobra nos no ta parti di UE. Bikker a enfatiza cu si ta falta di huristanan tin pa moderniza nos
leynan, ta algo cu ta cay bow di palamento, nan por presenta leynan di iniciativa y eynan seguramente ta
hustifica cu mas pronto posible mester bin un reunion publico den staten. Su persona lo traha un
peticion riba esaki y lo pidi cooperacion pasobra un persona cu un asiento mester di dos firma mas por
bin na un reunion publico pasobra parlamento mester stop di tene bijeenkomsten cu ta algo casi
protocolario. Y e ta duna e minister oportunidad di defende su mes sin usa e instrumentonan di
Parlamento manera ta cay bow di nos constitucion.