Page 7 - MIN SJA
P. 7
Trahadornan di Post Aruba NV hopi malcontento a reuni cu
SEPPA trempan dialuna
Monday, 13 February 2017 12:28
Comparti
E trahadornan di Post Aruba NV ta basta disgusta cu e forma cu gerencia ta atende cu nan. Nan a pidi
SEPPA pa presenta na Post Aruba NV dialuna mainta trempan. Asina a reuni cu Edmundo Marlin unda a
discuti e dolornan existente.
Ta basta tempo caba tin cosnan andando unda hasta ta sinti cu gerencia kier deshaci di un grupo di
trahador. Tur cos cu e empleadonan a vocifera na e sindicato a wordo documenta. Awor lo bay manda un
carta pa sinta cu e board y minister pa atende e tema. Den dos biaha 24 ora mester haya e reunion aki. Si
esaki no sosode nan ta bay plat y paraliza tur servicio. Awor aki Post Aruba NV ta pasando den basta
problema pa genera entrada. Tecnologianan moderno a pone cu awe cierto servicio no ta genera entrada.
Tin tambe cierto hende formando parti di gerencia di Post cu ta fungi como consultant y nan ta
perhudicando mas bien e trahadornan. Tin algo mas cu 100 trahador na Post Aruba NV. E trahadornan
ta demotiva segun e sindicato y esaki mester wordo drecha pa e compania por cana bon.
