Page 12 - AM190708

12 AWEMainta Dialuna, 8 juli 2019

“Bewitch”

crusa caya

dilanti auto

y a keda

basta herida

ALREDEDOR di 11.30 di diasabra anochi ta manda Polis y

Ambulance cu urgencia na rotonde di Pos Chiquito unda cu un

peaton a wordo alcansa.
Polis a yega rapidamente na e sitio di e accidente cu ta un poco

mas pariba di e rotonde di Pos Chiquito. Chauffeur di e auto a

splica cu el a caba di baha di trabou como security na un scol na
San Nicolas. El a bisa cu el a slow pa tira un bista riba e truck pa

wak si tin hopi hende, pa ora cu el a bira wak riba e caminda un
homber a cruza caya su dilanti y no por a haci nada mas pa evita

e accidente.

Testigonan cu tabata cerca tambe a bisa cu e peaton a gewoon
subi caminda cruza dilanti e vehiculo y nan a mira con el a dal

den e vehiculo cu e impacto a dal’e den e windshield y despues cay
na e otro banda di caminda.

Ta trata di e homber J.K.. conoci como Bewitch, kende ta biba na

100 meter mas o menos di unda e accidente a tuma luga.
E chauffeur a declara cu e ta biba na Sabana Basora y cu el a

caba di baha di su warda. El a bisa “boso por test mi numa, mi no

a bebe”.
Ambulance a transporta e herido. Inicialmente a constata cu e

tin lesion na su rudia, su cabes y brasanan, y tabata keha di hopi

dolo na su curpa.
E auto a keda basta destrui door di e impacto.