Page 15 - AM190708

Dialuna, 8 juli 2019 AWEMainta 15

Dama balente,

Señora cu a wordo horta a core tras

di ladron y ta gare poco mas leu

DIADOMINGO mainta den careda di 10:30
un señora cu ta bende riba e Flea Market riba

e tereno pabou di ex DOW a bira desespera, mo-

mento cu un hoben riba bicicleta a horta su tas cu
e benta di 2 dia.

E señora balente a pura core su tras, pero esaki
a huy bay laga e señora. Otro coleganan comer-

ciante eybanda a mira kico tabata pasando, y me-

sora a ofrece pa yuda.

Mirando cu e señora no tabatin auto e ora nan a

bay core rond cu e señora. Den Engelandstraat
altura di Eagle Tennis Club a spot e hoben di leu,

cu e tas di e señora manera nada un pasa.

Cu e autonan e yega y a bloki’e y nan a baha riba
dje.

E hoben riba su bicleta a haya sorpresa di su bida,

pa motibo cu e no a spera cu nan lo bin su tras.

Den e tas e placa tabata completo na dolars, dor
cu mayoria di esnan cu ta cumpra n’e Flea Mar-

ket ta turista y nan ta paga na dolars.
Danki n’e pareha comerciante cu a sali duna un

man mesora, mirando e desesperacion cu e se-

ñora tabata pasando aden tratando di bay tras di
e hoben.

HOBEN LADRON

Polis na yegada a reconoce e hoben mesora y a

detene. Segun nan a bisa e hoben aki tin un prob-

lema cu e no por mira y laga para.
Ta varios biaha el a haye den e mesun tipo di

problemanan aki.

Agentenan n’e sitio a pidi pa transportwagen

unda el a wordo hiba Warda di Polis na Playa
hunto cu su bicicleta.

Pa cuanto dia e lo wordo cera no ta conoci, pa
motibo cu ta varios biaha el a horta y aparente-

mente segun nos a compronde e ta pafo bek.