Page 16 - MIN SOC 17 FEB, 2017

AWEMainta Diabierna, 17 Februari 2017 5

Digitalisacion ta un proceso

importante pa funcionamento

di Parlamento di Aruba

PRESIDENTE di Parlamento, drs. Mervin Wyatt
Ras ta informa cu ya caba ta di dos biaha cu Parla-
mento a reuni den comision presidi p’e Presidente
tocante optimalisacion di e proceso di automatisacion
di Parlamento.
Den e reunionnan e persona encarga cu IT ta duna
un presentacion na Parlamentarionan tocante tur loke
ta ensera software y tambe e procesonan necesario.

A trata e sistema actual cu tin, uzo di decos, trans-
mision di reunionnan, servicio di mobilidad y a duna
un bista financiero di diferente aña y kico pa sigui
haci den futuro. Desde 2006 Parlamento di Aruba a
inicia cu proceso di digitalisacion.
A introduci decos pa registra y warda tur documento
cu drenta Parlamento.
A haci diferente inversion di aparatonan/devices.

Awor tin cu renoba tanto aparato y licencianan. En
comparacion cu antes awor tur documento por ser
busca dor di e Parlamentario mes y reunionnan por
ser yama hopi mas liher y sin uzo di mucho papel,
tin un website y ta uza menos papel en comparacion
cu antes.
E proceso aki ta bayendo hunto cu e cambio di men-
talidad pa uzo di aparatonan enbez di papel.

Enbez di pen cu papel, miembronan di Parlamento
ta traha riba nan laptop of Iphone. Tanto Parlamen-
tarionan como personal di Parlamento por haya tur
informacion na un forma digital pa por facilita nan
trabou.
Por papia di un proceso importante y cu a contribui
na transparencia. Sinembargo e proceso aki no a bay
facil y mester mas atencion.
En bista di esaki den e comision aki lo yega tambe
na un vision pa futuro.