Page 38 - ATA

Rocco Tjon: Hulanda Creando Un Crisis

Constitucional

 Politica
- 23/06/2019

Por medio di e articulo aki nos di MEP ta reacciona riba cierto ponencia di politiconan
Hulandes.

Despues cu Gobierno di Reino a yuda perhudica pais Aruba su finanza publico, awor nan
kier crea un crisis constitucional, segun voceru di MEP, Rocco Tjon.

FINANZA PUBLICO
Ta importante pa señala cu na 2009 Aruba tabata conoce un situacion financiero sano. Na
2014 Hulanda a interveni dor di “ondeugdelijk bestuur” di Gabinete Eman II. Na 2015
Gobierno di Reino a tuma e supervision financiero over, pero enbes cu e situacion
financiero a drecha el a empeora. Pues Gobierno di Reino a tene “onbehoorlijk toezicht”.

Tres acto desastroso di Gobierno di Reino cu a perhudica nos pais, t’e hecho cu nan a
permiti Mike Eman traha presupuestonan ficticio cu tabata conta cu remision di debe na
SVB, supuesto entradanan di apertura di CITGO na 2016 y supuesto entradanan di
apertura di CITGO na 2017. Te hasta ora CAFT a señala e actonan cosmetico aki,
Gobierno di Reino no a actua y a permiti’e.