Page 39 - ATA

CRISIS CONSTITUCIONAL
Ta importante pa nota cu a base di e ley di supervision financiero nobo, keto bay tin
supervision independiente. Solamente a cambia tur e aspectonan anti-constitucional,
segun splicacion di Rocco Tjon..

Tratamento di e ley aki a tarda p’e hecho cu Hulanda kier a negocia acomodacion di un
ex- politico Hulandes, cual tabata empugna cu e ley. Es decir, e tardansa no tabata culpa
di Parlamento, manera sr. Raymond Knops ta insinua.

Sr.Raymond Knops ta keda insinua cu no tin cumplimento cu e protocol sera entre Aruba
y Hulanda. Sr. Knops mester compronde cu un protocol entre 2 Gobierno hamas por
limita un Parlamento. Esey t’e esencia di un estado di derecho. Pero ta parce cu Hulanda
kier forsa Aruba actua contra su constitucion of kier crea un crisis constitucional.

Adicional mester nota cu Gabinete Wever-Croes ta cumpli cu aspectonan di maneho,
manera palabra den e protocol. Y Raymond Knops sa esaki. Ainda nos por corda su
palabranan di elogio p’e maneho di sra. Evelyn Wever-Croes.

PA CONCLUI
Nos ta comparti sr. Raymond Knops su preocupacion pa loke t’e debe halto. Esaki
sinembargo ta uno cu Hulanda mes a yuda crea, Roco Tjon a sigui señala.

Pa loke t’e supervision financiero net nada no a cambia. Dus e ponencia cu lo a
desmantela supervision financiero ta incorecto.

Pero locual tin nos mas preocupa t’e postura Hulandes pa no respeta democracia y nos
estado di derecho. Y Raymond Knops tin tur su razon cu e ultimo palabranan pa loke t’e
situacion aki no a wordo papia ainda. Y e palabranan lo resona internacionalmente si ta
necesario.