Page 99 - AVP

Vocero Di AVP, Melvin Tromp – Edgar Vrolijk Ta Un

Berguensa Pa Parlamento Y Pa Enseñansa

 Politica
- 06/08/2019

No tin ciego mas ciego cu esun cu no kier mira ta un dicho masha popular pa señala
hendenan cu ta insisti pa no mira y acepta berdad di cosnan y vocero di AVP, Melvin
Tromp ta kere y ta sigur cu Parlamentario di MEP, Edgard Vrolijk ta un politico terco y
ciego pa mira e realidad.

MelvinTromp ta mustra cu ora cu scucha un politico hoben asina, kende den casi tur
reunion publico cu el a hiba disertacion a insisti cu su politica ta un politica nobo, pero en
realidad Edgard Vrolijk no kier bira cu e realidad politico di su partido.

“Na momento cu haya un politico cu no ta interesa pa pone su mes na altura di cierto
berdad den enseñansa, pa colmo su ramo di trabou, ta surgi un tipo asina terce y tapa
manera Edgard Vrolijk, kende ta insisti pa bisa pueblo un berdad cu e mes no kier mira of
acepta.

Ora cu scucha e tipo aki declara cu durante 8 aña Mike Eman y su Gabinete, no a ni
interesa pa por tin educacion di calidad na Aruba, e ta bolbe confirma su incapacidad
politico cu el a bin ta insisti ariba.