Page 68 - MIN ECEM

Aeropuerto awo ta conta cu makinaria nobo pa combati
wildlife

Monday, 15 May 2017 20:14
Comparti

Jurgen Benschop ta Chief Operating Officer na Aeropuerto y e ta conta di makinaria nobo na aeropuerto.
El a splica cu awe mainta a duna un demostracion di e aircanonnan nobo cu aeropuerto a busca.
Den cuadro di nan plannan di maneho pa combati wildlife. E cañonnan aki di aire ta specialmente diseña
y uza pa aeropuertonan rond mundo pa spanta parha, door di tira un zonido. Nan ta traha cu un gas LPG,
cu ta tira un zonido duro cu ta spanta e parhanan.
Inversion di aeropuerto
Esaki ta den cuadro di e plannan di operacion di aeropuerto. Aeropuerto ta hopi cerca di e lama y
mangrovenan y tin parhanan cu ta bula diariamente den e area aki. Un di e plannan di aeropuerto ta pa
baha e risico pa un parha por dal den un avion durante e operacion di nos aeropuerto. Esaki ta un
inversion cu aeropuerto a haci pa combati esey.
Costo
Aeropuerto tin 4 forma pa haci’e. Benschop a splica cu un parha ta un bestia hopi sabi. Si uza un tipo di
mashin so, nan ta custuma cun’e y no lo tin efecto mas. E mashinnan aki aeropuerto tin 3. Nan prijs ta
mas of menos 5 mil euro pa un. Nan ta poni na luganan strategico rond di e pista di aeropuerto y ta
uzanan den combinacion cu diferente otro ekipo cu a busca. Un otro ekipo cu a busca tambe ta un
foggermachine, cu ta saca huma. Esaki ta special cu un kimico cu e parhanan no ta gusta y ta plama e
huma riba un tereno caminda cu ta haya hopi last di parha tambe cu ta core cu nan. Un otro ekipo cu ta
busca tambe ta un shotgun special cu ta tira crackershells, cu ta shellsnan cu no ta letal. Nan no ta mata e
parha, pero nan ta rementa, sacando un zonido tambe cu por dirigi directamente den un area caminda cu
tin hopi parha. Ora nan rementa, nan ta core cu e parhanan, Benschop a splica.
Incidentenan
Benschop a splica cu ta haya durante curso di aña, hopi parha cu ta migra, cu ta bin Aruba, pero nan ta
hopi biaha bin riba tereno di aeropuerto, pasobra e tereno ta mas keto. Aki ta duna mas espacio pa nan
sinta relaha un tiki, pero cu consecuencia cu pa aeropuerto, esey no ta bon. Como plan di operacion di e
aeropuerto, a tuma accionnan aki pa preveni esey.
Loke tin cu tene cuenta cun’e
E efecto ta cu e no ta algo cu ta bay uza henter dia, pero si e ta zona un tiki duro, vooral pa e usuarionan
di linear park y departamentonan di Gobierno eybanda, nan lo bay tende e zonido aki aya. Pero e zonido
aki ta den un range di 360 grado. A midi e decibel y por garantisa cu e no ta mas cu 120 decibel for di un
distancia di 1 meter. Ta un zonido duro un rato, pero dirigi den e area caminda cu ta target.