Page 69 - MIN ECEM

Control

Departamento di operacion ta patruya 24 ora e tereno di aeropuerto. Aeropuerto eigenlijk ta cera 12’or,
habri bek 7’or di mainta. Kiermen durante orarionan cu aeropuerto ta operacional, tin patruya 24 ora, cu
ta eigenlijk core rond y controla e area pa tur cos cu ta insigur.

Kico mas

Benschop a comenta cu un di e cosnan ta e aspecto di mantencion. Ta haciendo mantencion rond di e
pista, corta yerba, corta matanan, percura cu e asfalt ta den bon condicion, percura cu e markeonan ta
den bon condicion, percura pa e luznan ta curpa. Ta rekisitonan di reglanan internacional cu aeropuerto
tin cu cumpli cun’e.

Aeropuerto tin su certificacion cu ta wordo duna pa e departamento di aviacion civil. Como parti di e
certificacion nan mes tin cu haci e controlnan cual ta self inspection y basa riba esaki, tin cu garantisa cu
nan tin control riba nan operacion. Directie Luchtvaart ta haci audit pa garantisa cu aeropuerto ta cumpli
cu e rekisitonan.

Aeropuerto a tuma precaucionnan necesario pa cera tur gate, caminda cu ta habri cera. A pone djente
special bao di nan, pa cacho y pushi no drenta facil. Esaki ta pa evita. Un tempo nan tabata tin molester
di bestia riba tereno pero awor aki ta mitiga. Parha ta dificil pa controla, pasobra nan ta bula bin di pafo.