Page 98 - MIN ECEM
P. 98
Trabaonan riba proyecto di Watty Vos Boulevard a cuminsa y
lo core di Airport te Hotelnan Grandi cu caminda di cuater
via
Monday, 15 May 2017 20:13
Comparti
Nos a combersa cu Marlon Croes, director DOW, hunto cu Michael Vrolijk. Trabaonan a
cuminsa riba avenida Watty Vos. El a splica cu e trabaonan preparatorio a cuminsa.
Tur vegetacion cu ta den e caminda cu ta bin a wordo kita y e ora pa nan por bay traha
fundeshi di e caminda, pone e tuberianan cu tin cu pone riba caminda y despues pa egalisa e
fundeshi y prepara pa bay asfalta. E contratista a calcula 2 luna y mey di trabao pa caba cu e
strecht di 1.1 kilometer. For di rotonde di FCCA bay direccion di e crusada na altura di ex-
Codemsa. Pa awor aki e no lo bay stroba trafico. E lo keda core normal riba e caminda
existente. Ta trahando e di dos caretera pabao di dje cu no ta stroba e trafico. Ta bay mira e
progreso di trabao. Ora cu bay cuminsa deal cu e trafico, lo bay pega nan na rotonde.
Vegetacion
Segun Croes, loke a wordo ranca, ta purba di deal cu nan na un manera hopi sostenibel. E
topsoil lo bay wordo stockpile door di e contratista, mirando cu e ta bay wordo uza den e
landscaping. E rama y takinan lo bay wordo hiba Barcadera, unda cu lo bay hincanan den un
grinder, pa despues uza nan pa groundcover of Santa Rosa pa uza nan como medio pa
compost, haci e tereno mas fertil y loke ta trata e tronconnan mes, ta bay ta wardando nan,
unda cu e artesanonan local of internacional, si nan kier nan por haya nan pa nan por haci arte
cu nan.
Di unda pa unda
E proyecto aki ta core for di rotonde di FCCA, e ta pasa p’ariba di San Barbola, bay drenta Sero
Patrishi, Tanki Leendert, Ponton, ta bay riba e crusada di Punta Brabo, unda cu Sun
Plaza/Guardian Life ta. Esey ta e forelane. Y for di e crusada di rotonde di Caya Ernesto
Pretonia, bay direccion nort ta inclui den e proyecto y tambe Irausquin Blvd., for di Dutch
Village, bay te na Riu Antillas.
Ki tempo
