Page 12 - BNDIA ARUBA

a12 riba caya
Diaranson 3 Juli 2019

Señora di edad haya benta riba caminda

BUSHIRI - Dialuna anochi riba e caminda di Bushiri
pa Madiki Kavel un persona a scucha un desordo y ora
a bay wak a topa cu un señora di edad benta abou.

Na prome instante el a kere cu un auto a dal e persona y bay.
Esaki a pone cu patruyanan di Oranjestad y trafico a presenta.
Polis a haci nan investigacion na e sitio y constata cu no tin
auto envolvi, e señora a comenta despues cu el a trompica y
cay riba caminda. Rapid responder a presenta pa atende cu
e victima y ambulance a presenta na e sitiopa asina bay cu e
señora hospital.

Chauffeur bebi a kibra auto riba cura di cas y sigui core

SABANA BLANCO - Den fin di siman den oranan di
marduga habitantenan di Sabana Blanco a lanta for di
soño ora cu nan a scucha un desordo duro.

E habitantenan a tuma nota cu un auto shinishi a dal den cura
di cas. E chauffeur a haci su maniobranan pa bay for di e sitio y
nan a core sali bay su tras y aki ta unda cu nan topa e auto para
pabou di rotonde Sabana Blanco. Patruya cu a presenta na e
sitio a constata cu e chauffeur ta basta bebi y el a keda deteni.
E auto a keda kibra full dilanti.

Chauffeur cu a hit and run a dal contra

cura di cas

ORANJESTAD - Dialuna atardi den Kerkstraat un auto
shinishi chikito a dal contra un auto y popchi banda di
caminda y a core den verboden pa despues bandona e
sitio.

Rato despues e mes un auto aki a perde control pa un of otro
motibo y dal contra un cura di cas. E chauffeur tabata bou
influencia di alcohol, ambulance a presenta na e sitio y para-
mediconan a brinda asistencia na e victima. Polis di trafico
presenta a tuma dato y a confisca e auto, mientras cu otro
patruya a bay na e sitio unda e persona a hit and run lagando
daño atras.