Page 13 - BNDIA ARUBA
P. 13
a13
riba caya Diabierna 30 augustus 2019
Candela grandi di mondi na Savaneta
SAVANETA - Diahuebs pa mas o menos 12:30 merdia
centro di alarma a haya basta yamada, tocante un can-
dela grandi di mondi cu ta yegando cerca di casnan na
Savaneta.
Di biaha a despacha unidad di brandweer pa e sitio, e candela
a cana basta lihe mes. Bomberonan a drenta accion di biaha pa
combati e candela pa asina e no menasa e casnan den cercania.
Holo hopi malo tabata sali di Calloway Inc.
ORANJESTAD – Personal di Bureau City Inspector a
wordo manda pa un caso na Calloway inc. Parce cu un
holo hopi desagradabel tabata saliendo di parti pazuid
di e luga.
Segun un relato di BCI, na yegada a haya asistencia di esun-
nan encarga pa wak loke ta pasando na e sitio. En berdad e
holo desagradabel tabata leak for di e baki unda nan ta depos-
ita e restonan di loke nan ta cushina. Segun personal encarga
cu maneho e dia ey na Calloway a splica cu a tuma contact cu
Ecotech caba, mirando cu e baki posiblemente no a wordo
bon cera. Mirando cu mester a keda warda, a conseha pa keda
laba e substancia cu awa y uza kimico pa kibra e holo, asina
wardando riba reemplaso di e baki.
A pasa e caso despues pa D.V.G. pa sigui cu e esaki.
