Page 17 - AWEMAINTA
P. 17
Dialuna, 30 september 2019 AWEMainta 17
Digicel ta renoba su compromiso cu
atletanan di Special Olympics Aruba
DIGICEL a renoba su compromiso cu Special Olym-
pics Aruba p’e temporada nobo, 2019-2020. Reciente-
mente sr. Arturo Werleman, Presidente di e Funda-
cion a bishita Digicel pa firma e acuerdo di patrocinio.
Di acuerdo cu sra. Nadine van der Woude, Marketing
Executive pa Digicel Aruba, e aporte na atletanan di
Special Olympics ta continuo y no unicamente na Aru-
ba sino den casi tur mercado na unda Digicel ta opera.
“Digicel a bin ta ofrece su apoyo na comunidadnan cu
necesidad special – for di aña 2000 den tur su merca-
donan cu e meta di crea un mundo na unda tur hende
tin oportunidad igual. Atletanan di Special Olympics
semper a forma parti di actividad, campaña- y trabou-
nan comunitario di Digicel. Ademas, e participacion di
Digicel ta bay mucho mas leu cu un sosten financiero”.
Recientemente e team di Aruba a forma parti di e We-
ganan Olympico na Abu Dhabi y a logra prestacionnan
grandi pa Aruba incluyendo medaya di oro den futbol,
2 medaya di oro y 1 di plata pa atletismo, 2 medaya
di oro pa bowling, 1 medaya di brons pa badminton y
mucho mas. Fondonan di e aña aki lo wordo dedica n’e
weganan nacional y lo inicia e preparacionnan di atle-
tanan pa World Games 2023, na Berlin.
E apoyo continuo di Digicel na Special Olympics a
haci cu e compania a realisa donacionnan den efectivo,
den apoyo di infrastuctura, ayudo cu actividadnan di
recaudacion di fondo y mucho mas den tur su merca-
donan.
Digicel Aruba ta desea e fundacion y tur su atletanan
tur cos bon cu e preparacionnan p’e proximo weganan
local. Ta invita pueblo di Aruba pa duna sosten na ac-
tividadnan di recaudacion di fondo y otro actividadnan
di Special Olympics. Hunto nos lo ta creando un comu-
nidad na unda niun hende ta wordo laga atras.
Riba foto momento cu sra. Nadine van der Woude,
Marketing Executive pa Digicel Aruba y
sr. Arturo Werleman, Presidente di Special Olympics
a firma e acuerdo di patrocinio
